سادت حالة من الغضب بين الفلاحين بمحافظة الشرقية بعد ضياع محصول القمح بسبب الأمطار والرياح الأخيرة التي شهدتها عدة محافظات، مما تسبب في إيذاء المحصول وانحنائه على الأرض بسبب ضعف الجذور.
وأكد الفلاحون أن الرياح تسببت في خسائر فادحة مع قرب الحصاد، مما يتسبب في انخفاض إنتاجية المحصول إلى الربع، كما طالب الفلاحون بتدخل الحكومة لدعمهم وتعويض الخسائر لأنه يعتبر المحصول الرئيسي لهم.
وبسؤال الفلاحين عن تلك الخسائر، أكد الفلاح جمال سالم: “القمح هو الزرعة اللي بتسند الفلاح لأن الدرة مابقاش بيجيب حاجة، بل بنخسر فيه ومحصول القمح السنة دي هيكون على هيئة عفش، لأن السبلة بقت على الأرض وطالتها المية ويا ريت المسؤولين ينظروا لينا”.
وأضاف خالد إبراهيم، مزارع: “لازم الحكومة تدعم الفلاح وتقف معاه في أزمته وتعوضه بعد ما حط للأرض سماد ثلاث مرات والشيكارة بـ150 جنيها، ده غير الأفراد اللي هياخدوا أجرة الحصاد، ده كله هيبقى خساير لازم الدولة تدعمه وتقدر خسائر الفلاح علشان تجيله نفس يزرع بعد كده زي ما بيحصل في الدول المحترمة لكن هانقول لمين وهمّ أصلا بيغلوا على الفلاح”.
