انتقد الإعلامي معتز الدمرداش تصرف والد أمر الطالب الذي قبّل زميلته في المدرسة، صاحب مقولة: “اللي عنده معزة يربطها”، مؤكدًا أن طريقته في التعامل غير مقبولة في المجتمع المصري، مشددًا على ضرورة العودة إلى الأخلاق مرة ثانية.
وقال معتز الدمرداش خلال برنامجه “90 دقيقة” على قناة “المحور” مساء اليوم الثلاثاء: “يعني إيه معزة ويربطها! ويعني إيه يبوس اللي هو عاوزه! الست حرة أنها تدافع عن بنتها والمفروض كنت تقف في صف أم البنت الغاضبة”.
أثارت قصة “اللي عنده معزة يربطها” جدلًا واسعًا لدى مستخدمي مواقع التواصل الاجتماعي، بعد أن تداولوا مقطعًا صوتيًا مسجلًا فيه حديث بين “ولي أمر” إحدى الطالبات وولي أمر أحد الطلاب، اتهمت الأولى نجل الثاني بالتعدي على ابنتها وتقبيلها وعناقها؛ فما كان من الأب إلا أن رد عليها بقوله: “أنا أبو عبدالرحمن، إللي عنده معزة يربطها. أنا ابني يبوس إللي هو عاوزه؛ لو بنتك محترمة ومؤدبة ما كانتش خلته يبوسها وكانت اشتكته للأبلة”.
تعود الحكاية إلى مقطع نشرته سيدة “ولي أمر” طالبة في إحدى المدارس، حيث تقول الأم في المقطع: “بنتي ما بتلعبش مع أولاد وأنا منتقبة وزوجي ملتحي والنهاردة يا مدام دلال ابن حضرتك عبدالرحمن حضن بنتي وباسها في الكلاس. بنتي ما بتلعبش مع بويز وبنتي الكبيرة بالمثل اسألوا عليها. ابنك يبوس بنتي ويحضنها بتاع إيه. أخوها الكبير عاوز يروح يضربه بكره. الولد ضربهالي مرتين، مرة تحت عينها ومرة في راسها وما شوفتش أي أكشن، وأنا اتكلمت مع حضرتك في الموضوع ده قبل كده”.
