بالفيديو.. ريهام سعيد: أنا مؤدبة "أوفر" ورفضت الجواز العرفي

كشفت مقدمة البرامج ريهام سعيد، الأربعاء، أنها تزوجت أول مرة وهي في عمر الـ19، لافتة إلى أن الاندفاع كان السبب الرئيس؛ لذلك تطلقت بعد سبع سنوات"، وأوضحت أنها هربت من البيت بسبب شدة والدتها وشقيقتها عليها.

وأضافت خلال حوارها ببرنامج "أنا وأنا" عبر فضائية "ON": "تعدد الزيجات يعكس شخصية محترمة، وأنا ماصاحبتش رجالة، الستات اللي بتُطلق كلها عادي ممكن تعمل علاقات وتصاحب أو تتجوز عرفي، لكن أنا لأ".

تابعت: "الستات المطلقات اللي بتصاحب مش محترمات؛ لأنهم أكيد مش هيصاحبوا يلعبوا كوتشينة، أنا بقى لا اتجوزت عرفي ولا صاحبت، وللأسف مجتمعنا بيقول إن الجواز كذا مرة عيب، لازم الواحدة تضرب ورقة، وتصاحب اتنين تلاتة وبعدين يتقال إنها ضحت عشان أولادها وما اتجوزتش، ده فيلم عربي".

وحول أزمتها مع مقدمة البرامج إيمان الحصري وتوجيه السباب لها على قناة المحور بعد أزمة "فتاة المول" قالت: "أنا لما عملت مكالمة عملتها علشان أدخل أكلم حد اسمه أكرم شغال في قناة المحور وفجأة لقيت نفسي على الهوا".

وأضافت :"أنا ماكنتش أعرف اسم إيمان الحصري فعلًا وأنا بكلمها، والناس فاكرة أني بقولها إني معرفش اسمها كتحقير منها، وللعلم الناس عرفت اسم إيمان الحصري بسببي بعد الأزمة اللي حصلت دي"، وأنا مؤدبة جدًا جدًا لدرجة إن الناس بتقول عليا (بتأفور)".