في تسريب صوتي.. «مبارك» يكشف تفاصيل جديدة عن سد النهضة

تزامنًا مع توجّه وزير الخارجية سامح شكري إلى أوغندا اليوم للمشاركة في الاجتماعات الوزارية التحضيرية لقمة رؤساء دول حوض النيل، نشرت الصفحة الداعمة للمخلوع محمد حسني مبارك «أنا آسف ياريس» على موقع التواصل الاجتماعي «فيس بوك» تسجيلًا صوتيًا يتحدث فيه مبارك عن «سدّ النهضة».

وبحسب التسجيل، قال مبارك إن إثيوبيا لم تجرؤ على فتح موضوع «سد النهضة» أثناء حكمه، مضيفًا: «عملوا اتفاقية عنتيبي روحت لافف على التلات دول عشان ما يمضوش فتقف، فوقفت. الدول اللي اتفقت معاها ما تمضيش مضت، كلمت روندا وبروندي وأوغندا التلاتة دول قالوا مش هانمضي».

وتابع: «راح لهم أبو الغار ومعاه وفد شعبي، قعدوا الإثيوبين يخبطوا فيا جامد ومعاهم مصريين بيشتموا، شوف الوقاحة، أبو الغار قالهم بتشتموا في مبارك ليه؟ قالوا له في مدة حكمه ما قدرناش نفكّر في السد ده خالص، كان مانعنا، كنا خايفين منه».

وجاء في التسجيل المنسوب إلى مبارك قوله: «كنت أمتلك طائرة التوبوليف وأقدر أضرب السد وأخلص عليه في طلعة واحدة؛ لكن هاتضرب سد دلوقتي تقع مع كل الأفارقة»، وأضاف: «أوّل ما تنحيت، في أبريل 2011 ابتدوا».

من جانبه، رفض الدكتور محمد أبو الغار، رئيس الحزب الديمقراطي الاجتماعي السابق، التعليق على التسريب الصوتي للمخلوع حسني مبارك، وقال: «لا أُعلّق على كلام من مثل هذه الصفحات».