السيسي: "عايز المواطن يبقى قلبه عليا زي ما أنا قلبي عليه"

قال عبد الفتاح السيسي لوزير الزراعة: "مش أنا اللي بسمعك بس دول كل المصريين.. احنا بنزرع 7 ملايين طن ونستورد 10 ملايين طن.. عشان الناس تبقى عارفه احنا مين، وحجم التكلفة.. ونربط دا برغيف العيش".

جاء ذلك خلال افتتاح السيسي عددا من المشروعات التنموية في محافظة قنا بصعيد مصر، واستمع إلى شرح تفصيلي من رئيس الوزراء ووزير الزراعة حول المشروعات المنجزة خلال الفترة الماضية.

وشهد الافتتاح مقاطعة السيسي لرئيس الوزراء ووزير الزراعة، وطالبهم بشرح وتبسيط معدلات الإنتاج والاستهلاك حتى يعرف الشعب حجم ما تواجهه الحكومة.

وأضاف السيسي: "احنا بنعمل اللقاءات دي عشان نقول للمصريين احنا فين.. ولما أقوله الرغيف بكذا يعرف إذا كانت الحكومة بتاعت بلده واقفة جنبه ولا لأ، وحريصه عليه ولا لأ"، متابعا:"عشان عايز يبقي قلب المواطن معايا زي ما أنا قلبي عليه".

وأكد أن المصريين يستهلكون 18 مليون طن قمح في العام، تنتج مصر منهم حوالي 8 ملايين طن، وتستورد الباقي، وذلك في تعليق منه على كلمة الدكتور عبد المنعم البنا، وزير الزراعة، خلال افتتاح عدد من المشروعات القومية والخدمية بقنا.

وأضاف السيسي موجهًا حديثه لوزير الزراعة: "اللي سامعك دلوقتى كل المصريين، لما آجي على القمح أقول يا مصريين إحنا بنطلع من 7 لـ8 مليون طن، وبنستورد كمان 10 مليون، بإجمالى 18 مليون طن، بنستهلكهم على مدار السنة، علشان الناس تبقى عارفة حجم الأمور".

وتابع قائلا "عايزين البلد تتصلح ونعمل تنمية حقيقية"، مضيفا: "لما نيجي نقول نزود سعر تذكرة المترو المواطن بيقول أنا غلبان مش قادر، طب ما أنا كمان غلبان مش قادر، مافيش خدمات في العالم بالأسعار اللي بنقدمها دي.. ولازم ننهض ببلدنا ونقوم بيها".

واستطرد: "ولا نسيب الطرق زي ما هي والسكك الحديد والحوادث تزيد والناس تموت".

 

وأشار إلى أن الدولة في سباق لتوفير كافة السلع للمواطنين بسعر مناسب، مضيفًا : "عاوز المواطن يعرف احنا فين وقلبه يكون معايا زى ما أنا قلبى عليه".