دخل محمد نجل الداعية الإسلامي صلاح سلطان يومه الـ183 في إضرابه عن الطعام بسجن ليمان طره عقب قيام قوات أمن الانقلاب بإعادته إليه منذ 5 أيام بعد اختطافه من زنزانته منذ 27 يوم.
وكان أحد المعتقلين، بسجن ليمان طرة؛ قد أفاد أثناء زيارة أهله أن قوات أمن الانقلاب أودعت المعتقل محمد سلطان المضرب عن الطعام منذ 183 يومًا زنزانة واحدة مع والده الدكتور صلاح سلطان بعد أن كان مودعًا بالحبس الإنفرادي، لمدة 6 أيام.
وقامت قوات أمن الانقلاب بالهجوم على الزنزانة أثناء صلاة التراويح، وبعد مشادات بين المعتقلين بالزنزانة والقوات الأمنية تم اقتياد محمد سلطان إلى مكان مجهول.
وذكر المعتقل، أن أحد اللواءات قال خلال اقتياد سلطان خارج الزنزانة "أنت ذاهب لمكان موتك". وأكد لأسرته أن حالة سلطان الصحية سيئة جدًا.
وكان محمد سلطان قد بدأ الإضراب الكامل عن الطعام يوم 25 يناير 2014، تضمنوا 22 يومًا من الإضراب عن الماء قام بإنهاءه في بداية شهر رمضان استجابة لطلب من والده من أجل الصيام.
وقد نشرت أخت محمد سلطان رسالة له يشرح فيها تفاصيل اختطافه من زنزانته لمدة 22 يومًا واقتياده لمكان مجهول، وذلك عبر صفحتها على موقع التواصل الاجتماعي "فيس بوك" جاء بها :
"بعد ما الداخلية اقتحمت زنزاتي بقوة و كل واحد منهم قد الباب مرتين، شالوني وأنا بالشورت والحمالات وغموني وأخدوني لمكان تاني بعد ما اتقالي ان ده هيكون مكان موتي، وأنا قاعد في الكرسي المتحرك بتاعي وأنا متغمي في وسط الزنزانة بدأت أفكر واستنجد بربي. 'أكيد مفيش أسوأ من كده! بقالي ٢٠ يوم بدون ميه وجسمي ضعيف جدا مش هقدر أقاوم حد، اتخطفت ومش عارف مصيري ايه! أكيد ده اخري، انا في قمة ضعفي المعنوي في أسوأ ابتلاء في حياتي! بس مفيش رجوع! اعمل ايه يا رب!' دماغي كانت هتنفجر".
وأضاف "الوقت كان داخل على المغرب، وكان أول يوم رمضان. قعدت أقول الأذكار وادعي ربنا. وانا بقرأ، مريت على آية حفظها وبقرئها كل يوم، آخر آية في سورة البقرة، بس لأول مرة وقفت أفكر في الآية وفي الموقف الصعب الي أنا فيه".
وأردف سلطان "ربنا بيقول في أول الآية، ' لا يكلف الله نفسا إلا وسعها..' دي حقيقة وحاجة أنا مؤمن جدا بيها، بس في آخر نفس الآية ربنا بيقول، '..ربنا ولا تحملنا ما لا طاقة لنا به..!!".
وقال محمد "ليه ربنا بيجزملنا أنه عزوجل مش هيكلفنا أكتر من وسعنا وفي نفس الوقت بيدفعنا بالابتلاءات والامتحانات لحد ما نوصل لنقطة الضعف الي نحتاج نتوسل ونرجو ربنا انو ميحملناش اكتر من طاقتنا؟ مقدرتش أستوعب!! فقلت أكمل قراية. '…واعف عنا واغفر لنا وارحمنا أنت مولانا فانصرنا."
وأضاف "أها!! حكمة ربنا في إصابة الواحد بالابتلاء علشان ينضفه من ذنوبه اللي مثقلة الحمل. علشان كده حاسس اني مش قادر وخلاص جبت اخري، علشان كده حاسس ان ده وسعي وطاقتي. ربنا أدرى بقدرتنا ووسعنا وطاقتنا بس الذنوب هيا الي ماليه ومتقله الحمل، فهو من رحمته بيبتلينا علشان يخلصنا من الحمل التقيل علشان نقدر نستحمل أكتر. ربنا بيخلينا نتحدى حدودنا ونتعرف على قدراتنا الحقيقة فبنزداد قوة وسقف الطاقة بتعنا بيعلى وبيوصل لقمته. ربنا بيوصلنا للمرحلة دي علشان نتيقن أنه هو الوحيد الي يعلم مدى قوتنا وقوة طاقتنا اذا آمنا وصبرنا وتوكلنا ووثقنا في حكمته ورحمته وقوته وحفظه."
واستأنف سلطان "وسبحان الله ما كانتش الا لحظات وحسيت بقوة ألف رجل، حسيت ان ربنا نزل على قلبي الرحمة والسكينة والطمأنينة. حسيت ان مافيش قوة جيش ولا شرطة ممكن تمسني بسوء مادمت أنا في رحمة وحماية ربنا..".
