خرج -ظهر اليوم السبت- قائد الانقلاب العسكري عبدالفتاح السيسي في كلمة وجهها للشعب المصري قائلًا له "آسف إن أكلك تلف… هنحتاج 130 مليار جنيه … احنا لم نطور إنتاجنا للكهرباء…هنتكلم كلام مش فني …المستثمر عاوز يشتري الكهرباء وإحنا نبيعها بكام هو مش مسؤول عن ده، ومن غير كده ماحدش هيبني لنا ولا هيستثمر"، وذلك بعد انقطاع الكهرباء لمدة تزيد عن الـ9 ساعات متواصلة في أنحاء مصر، وتكبد العديد من المواطنين لخسائر كبيرة في منازلهم، وخسارة العديد من محلات الأطعمة والمواد الغذائية ومصانعها في الخميس الماضي الذي أطلق عليه الشعب "الخميس الأسود" و "الخميس المظلم".
وقدرت الخسائر التي تكبدتها مصر أول أمس الخميس نتيجه انقطاع الكهرباء بمليار ونصف المليار جنيه بحسب تصريحه لـ"المصريون"، واستيقظ غالبية المصريين، الخميس الماضي، على ظلام دامس، حيث انقطع التيار بشكل مفاجئ عن غالبية القرى والمدن والمحافظات المصرية منذ السادسة صباحا واستمر حتى الثالثة عصرًا، ما دفع عددًا كبيرا من الموظفين إلى عدم الخروج إلى عملهم في هذا اليوم والبقاء في المنزل، بحسب الدكتور فخري الفقي، الخبير الاقتصادي.
وقال قائد الانقلاب السيسي، في كلمة وجهها للأمة -ظهر السبت- "إننا لم نطور إنتاجنا للكهرباء وفق احتياجاتنا في السنوات الأخيرة، ولم نعمل محطات تكفي لتغطية مطالبنا، وشبكة الكهرباء لم تُحدّث لتجابه ذلك".
وأضاف قائد الانقلاب: "هذا لم يحدث لأن التمويل المطلوب لذلك كبير، باختصار نتكلم عن 130 مليار جنيه خلال ال 5 سنوات القادمة، بحاول أحطكم معايا في الصورة، عاوزين في حدود 12 ألف ميجا وات، وهذا يتكلف 12 مليار دولار.. هذا بخلاف إن كل محطة تحتاج وقود بـ 700 مليون دولار".
وتابع: " أقول ذلك لأنه لا يمكن الأمور هتمشي وتستقر من غير ما تكون الأمور عارفينها، لازم نعرف حجم المشكلة.. وفي أول سنتين قادمتين نحتاج 2500 ميجاوات يعني نحتاج 2.5 مليار دولار عشان المحطات دي تدخل العمل".
وقال السيسي، إن أزمة الكهرباء كانت كبيرة، مضيفًا أن "الكلام ده كان المرة الثانية بعد اللي حصل في التسعينيات".
وأضاف السيسي "أتحدث إليكم اليوم زي ما دايما أنا حريص واعتقد إنكم بتبقوا تسمعوا مني لما تكون فيها مشكلة أو أزمة واتعودنا على الصراحة بين مسؤول وشعب، والتحدي الموجود تحدي كبير، وأنا ماقدرش من غيركم ولا الحكومة من غيركم تجابه التحديات".
وتابع: "هنتكلم كلام مش فني وبحاول أكلم كل المصريبين، حدود الأزمة بتاعت الكهرباء إيه، والمرفق بيعاني من عدم مجابهة مشاكله من سنين طويلة فاتت، والكهرباء اللي بتوصلنا البيوت من السد العالي أو المحطات أو الطاقة الشمسية المتجددة".
وقال السيسي، أن الدولة بذلت جهودًا مع المستثمرين لتمويل محطات توليد الكهرباء.وأضاف "المستثمر يريد ربحًا تجاريًا وبيحط فلوس عشان يجيله منها عائد، وهو عاوز يشتري الكهرباء، وإحنا نبيعها بكام هو مش مسؤول عن ده، وغير كده ماحدش هيبني لنا ولا هيستثمر".
وأوضح: "خلي بالكم إحنا بنتكلم عشان الشبكة تستطيع تتحمل الإنتاج الجديد وتستطيع تناور ولما بنلاقي شارع الحركة فيه مقفولة، نقول خش الشارع ده، ناور يعني".
وتابع قائد الانقلاب قائلًا: "كمان محطات التحكم لازم تكون حديثة عشان المنظومة تخلينا شغالين ونستقبل الكهرباء اللي عايزنها بالشكل اللي نتمناه، وليه بنقول ده لأن إحنا كنا شايفين ده وعارفين ده، وفيه تحديات ومرفق زي الكهرباء فيه مشكلة وعايز استثمارات وأموال ضخمة، وده أمر ما بيتحلش في يوم وليلة، وأنا هفكركم بالاتفاق والعهد اللي بيني وبينكم وقلت إننا بنواجه تحديات كتيرة وماحدش أبدا هيقدر يتغلب عليها لا رئيس ولا حكومة، طيب حد يقول لي الفترات السابقة إيه الحكاية".
وقال: "هتكلم عن نفسي فيه مضابط مجلس الوزراء، وكل النخب والتيارات والناس اللي قابلتها وأنا مدير مخابرات كلمتهم إن فيه تحديات وعصية على الحل أمام أي حكومة، والأمانة الوطنية يطلعوا ويقولوا ده كلام طرح، ولما اتكلمت عايزة تتصدر المشهد في الدولة فقلت لهم لو نجحتم يبقى كويس ولو فشلتم هتحملوا الدين فشلكم بدون قصد، وفيه في مصر مشكلة كبيرة والمشكلة دي عايزة كل المصريين، وعايزة المصريين يساعدوا عشان نعبر ده، وشفت رد الفعل وأنا أقبله من الناس، لما الواحد حاطط أكل في بيته ويتلف، أنا بعذره، واللي في أسانسير أنا بعذره".
