أثار فرض الضريبة العقارية على المنازل ذات الملكية الخاصة استياء الشارع المصري
حيث عبر سكان محافظة المنوفية عن استياءهم الذي اعتبر أن هذا القرار من أسوء القرارات التي صدرت عن حكومة الانقلاب حتى الآن.
وتساءل المواطنون عن سبب هذا القرار بعد وعود قائد الانقلاب عبد الفتاح السيسي بعدم فعل أي أمر يضر الشعب، ولكن حصل العكس أصبحنا نعيش في بيوتنا كالمستأجرين.
وكانت حكومة الانقلاب قد فرضت هذه الضرائب من الشهر الماضي وبدء بالفعل تطبيق القرار هذا الشهر وتبدأ الضرائب من 105 جنيه في الشهر .
وفي استطلاع للرأي قال الموطن أحمد يوسف:"جاء اليوم اللي المصري هيبقى ساكن في بيته الملك بالإيجار !! المنوفية مجتمع ريفي ظروفه المادية متوسطه الواحد يعيش حياته كلها يبني بيت ملك وفي النهاية الحكومة تعيشه فيه كالساكن!!
وأضافت ميادة محمد"الحكومة دي مش حاسه بالشعب ومشاكله كل قوانينها ضد الشعب يعني ايه ادفع ضريبه علي بيت أنا بنيته من حر مالي، آمال لو الحكومة هي اللي عملت لنا بيوت كانت عملت فينا ايه."
وقال محمود عبدالقادر"أنا نفسي أسال الحكومة سؤال ازاي ساويرس صاحب الأموال المتهرب من الضرائب يعفى من الضرائب والمواطن اللي عمل بيت بالعافية يدفع ضريبة علي بيت عاش سنين علشان يبنيه !!؟؟
"أنا بيتي 120 متر طلبوا مني دفع 350 جنيه ليه " هكذا عبر أسامة جمال مضيفًا: "أنا مرتبي ثابت لم يزيد واكل وﻻدي ومصاريف المدارس هو الواحد هيجيب منين ؟!
واستهجن قائلًا: أنا كده ساكن في بيتي ومستأجر بيت عند الحكومة حسبنا الله ونعم الوكيل
واختتم الموطن ياسر محمود قائلًا: أنا بيتي 150 متر وضرائب 430 جنيه مش عارف ادفع أنا ضرائب علي بيتي وأصحاب الأموال مثل ساويرس وعز يتم إعفائهم من الضرائب فين العدل.
وقال علي فوزي " أنا بيتي 100 متر والضرائب 300 جنيه أجيبهم منين؟!بدل ما الحكومة توفر بيوت للشباب علشان يعيش بتاخد من الشعب فلوس علشان عنده مكان يعيش فيه ايه الظلم ده!!!
