يشتكي اهالي المنوفية من شح التطعيم الدوري للأطفال من الوحدات الصحية والمستشفيات الحكومية ، ما أدى لتأخر العديد من الاطفال في الحصول على التطيعم الدوري
واشتكت العديد من الأمهات من اختفاء التطعيمات الخاصة بأبنائهن ، ما أدى لتأخر الحصول على التطعيمات الشهرية، وأخذ تطعيمين معا لتأخر الطفل في الحصول على أحدهما
وتقول "امنيه محمد " ، والده أحد الأطفال ببركة السبع ، "عندنا في بركة السبع الان اذهب 4 اسابيع ورا بعض علشان اقدر اطعم ابني، كل مره يقولوا 30 طفل فقط الي هيطعم والباقي يروح وكل مانسال عن السبب يقولوا مفيش طعوم اشتكوا وزارة الصحه"
وأضافت ليلى عادل ،والدة أحد الأطفال باشمون ، "ابني مااخدش تطعيم 6 شهور الا بعد ما وصل 9 شهور وكل مااجي وسال يقولوا مفيش مع اني عندي 3 اولاد غيره كنت بطعمهم في موعدهم"
وتابعت :" الوحده الصحية في اشمون بتقول ان المشكله في وزارة الصحة"، متسائلة :" طيب ماهو ذنب الاطفال ؟؟ وفين وعود الحكومه بتحسين الاوضاع ؟!"
وأكد دعاء السيد ، ممرضوة بالوحدة الصحية بأشمون" :" كل مره ننزل علشان نصرف التطعيم يقولوا مفيش غير علبه واحد تكفي 30 طفل فقط وان سمح بأخرى يكون 60 طفل".
وتابعت :" المشكله ان في تراكمات كتيره بسبب التأخير في تطعيم الاطفال بمعني ان ممكن يكون العدد الي محتاج يتطعم الشهر ده 30 طفل بس الي متاخر بيكون 90 فبيكون العدد صعب جدا يحتاج الي طعوم كتير".
وأضافت "دعاء" :" وكل مانكلم الاداره الطبيه تقول المشكله عند وزارة الصحه وطبعا الناس مش بتصدق الكلام ده"
وقالت "اميمه محمد" والدة أحد الاطفال بمنوف" : "بقالي ابني عمره سنه وشهرين كل اسبوع احضر الي الوحده الصحية هنا في منوف علشان اطعم ابني وللاسف مفيش طعم".
وتابعت :" بحضر من الساعه 7.30 علشان اسجل اسم ابني وفي النهاية كل ممرضه بتطعم معارفها ويبخلص الطعم الي هو اصلا قليل جدا وبعدين يقولوا تعالوا الاسبوع الجاي وهكذا لحد الان مش عارفه اطعم ابني الغريب ان الطعم طول عمره متوفر ليه السنه دي مش موجود ؟؟!!"
وبسؤال إدارة الوحده الصحية بمنوف عن أسباب نقص التطعيم الدوري للأطفال قالو :" التطعيم ﻻيصل الينا طعم كافي روحوا اشتكوا في الوزاره "
