علقت حركة شباب 6 أبريل على التسريب الذي بثته قناة "مكملين الفضائية" مساء أمس الخميس لقيادات بمكتب قائد الانقلاب العسكري عبدالفتاح السيسي بوصفها لهم بأنهم مجموعة من المزورين والقتلة.
وقالت الحركة في تدوينة لها عبر صفحتها الرسمية على موقع:"فيس بوك":"مجموعة من المزورين والقتلة تتحكم فى مصير شعب….التزوير عندنا على مية بيضا يا باشا…والاعلام جاهز يطبل لينا …الورق ورقنا والدفاتر دفاترنا والقاضى معانا وكله بالتليفون.. متخيلين انهم هيفرضوا ارادتهم علينا وهنطاطى ونقبل نعيش زومبى…نعيش على الهامش زى الحيوانات..ناكل ونشرب وخلاص…محدش بيسأل..محدش بيدور..محدش بيحاول يفهم واللى هيحاول هنضربه بالنار فى الشارع عينى عينك زى اللى قبله واللى قبله الاف والاف…هيبقوا مجرد رقم فى الدفاتر…اللى هى بتاعتنا برده".
وأضافت الحركة:"لكن لا….مش هنقبل نعيش حيوانات تتساق بالخوف…مش هنقبل نشوف الظلم وكلنا عارفينه ونسكت…مش هنقبل لان ربنا خلقنا بنى ادمين….وهنقول الحق زى محنا شايفينه حتى ولو كانت اخر حاجة نعملها..على الاقل ساعتها نبقى كسبنا نفسنا ..كسبنا كرامتنا وادميتنا".
واختتمت تدوينتها قائلةً:"هننزل بكرا وبعده وبعده مهما حصل ولو متنا هييجى غيرنا يكملوا ويقولوا كلمة الحق لغاية ما ننتصر.. انسى انتمائك السياسى …انسى خوفك…انسى احباطك وانزل قول كلمة الحق#يسقط_حكم_العسكر".
