"وهكذا.. انتهت أسطورة أبو 50%".. بتلك الكلمات سخر ناشطون من قرار قائد الانقلاب عبد الفتاح السيسي بتعديل قانون بعض أحكام قانون هيئة الشرطة ليسمح فيه لحاملي الشهادة الإعدادية بالانضمام لسلك الشرطة برتبة "معاون أمن"، مؤكدين أنه بذلك سيدخل الشرطة أولئك الذين لم يحصلوا حتى على 50% في الثانوية العامة ولم يقتربوا من امتحاناتها أصلا.
ولاقى القرار -الصادر بالقانون رقم 109 لسنة 1971 بحسب ما ذكرته "وكالة الأنباء الرسمية أنباء الشرق الأوسط"- صدى واسعًا في مواقع التواصل الاجتماعية حيث قوبل بسخرية واسعة من الشباب المصري معتبرين إياه "زيادة خراب لجهاز الشرطة" طبقا لوصفهم.
فعلى فيس بوك علق أحمد دياب " يعني مش كفايه 50 % هيخشوها 20% كمان".
أما أحمد ثروت غرد عبر موقع التغريدات القصيرة "تويتر" قائلا : "السيسي بيقول إن طلبة الاعدادية لما يكبروا ويتخرجوا من البوليس حا يضربوا الناس اللي ضربوني. #سيسي #عسكريه #انقلاب #ديكتاتورية".
وقال عمر السمان " قرار السيسي بالتحاق حملة الاعدادية بالشرطة معناه أن التثبيت هيبقى قانوني السيسي عارف ان طلبة الشرطة فاشلين في الثانوية فقال أختصر وآخدهم من الإعدادية".
بينما علق محمد مصطفى طيب أنا معايا بكالوريوس هندسة ممكن أقدم بشهادة الاعدادية؟ ولا الأولوية لمن هم لا يجيدون القراءة".
وقال سلام محمود: "ولو انت معاك الإعدادية ومحتار تشتغل في البلد دي أجرى قوام هناك على وزارة الداخلية يدوك الضبطية القضائية ومرتب ومعاش".
وغرد ممدوح محمد: "أمن الدولة حقق مع اثنين أجانب عشان اتكلموا إنجليزي في المترو والسيسي هيجيب لنا شرطة من حملة الإعدادية، مش كفاية الجهل اللي موجود؟؟!".
ودون على فيس بوك محمد مفيد قائلا: "خليك صريح يا سيسي وقول #البلطجيه حتحور علينا اما انك #*** صحيح، بعد ثوره 25 يناير وحتى حكم الريس مرسي كان الكلام عن إعاده هيكله جهاز الامن عن طريق إدخال خريجي كليات الحقوق للشرطه ، الآن تخيل بقي مهندس او دكتور يوقفه بلطجي باعداديه ويفتشه ويقبض عليه كمان؟!".
وأضاف جليل سليم: "دا قانون لتقنين وجود البلطجية ضمن الشرطة ،،، السيسي بيصنع شرطته الخاصة كفاية خراب".
بينما أشار نادر عبدالله أنه لا فرق بين من معه إعدادية ويتم ضمه للأمن وبين من معه تعليم ابتدائي ويتم ضمه لمجلس الشعب ويضع التشريعات والقوانين فيقول " اللى معاه اعداديه وتعليم اساسى هو نفسه اللى بيدخل مجلس الشعب ليشرع للك القوانيين اللى تمس صميم حياة الكاترة والمهندسيين وحملة الدكتوراه على الاقل فرد الامن ياخد دورة تدريبيه 18 شهر لكن النائب يجى من تحت الجاموسة للتشريع مباشرة".
ورأى محمد محمود أن هؤلاء سيكونون ممن يطلق عليهم "بلطجية" في الشارع المصري حيث قال "يا عم جيب من الآخر وعين البلطجية اللي في الشوارع في الشرطة من غير قوانين ووجع دماغ".
وأشار محمد الديب إلى تعمد السيسي لاختيار الحاصلين على الإعدادية لأسباب أخرى فيقول " أيوة عشان دي عقيده الجيش.. ما هو لازم الجيش كله يبقى جهلاء وحاملي شهادات ابتدائية.. عشان لو كان عندهم علم.. هايتمردوا على قياداتهم.. والكلام دا كان من ايام عبدالناصر".
وأيده مروان مصطفى قائلا: "مقصودة طبعا.. عشان ينفذوا من غير تفكير ولا فهم ولا وزن للعواقب.. العقل هو المرض الوحيد في جسم دولة السيسي ويريد استئصاله بأي طريقة".
وتحسر محمد رجب على استكماله دراسته قائلا: "يا خسارة يا ريتني ما كملت تعليمي وخدت زفت بكالوريوس".
بينما فسر نصر سعد قرار السيسي على اعتباره عقدة نفسية لديه فقال: "ويبقى بكرة رئيس مصر القادم من حملة الإعدادية والابتدائية يا صلاة النبي أحسن؛ يا جماعة في شيء انتم مش واخدين بالكم منه الإنسان لما يحس إن فيه ناس تانية متفوقة في العلم وحصلوا على مجموع 90% فما فوق أو أقل منه بقليل وهو حصل على مجموع 50% أو أقل من 50% ودخل كلية شرطة أو كلية عسكرية يبقى عنده حقد من هؤلاء المتفوقين يبقى يعمل إيه يخلى الناس اللي أقل منه زي الإعدادي أو الابتدائي يجندهم عنده علشان يكون أعلى منهم يعني عمره ما يروح يجند ناس حاصلين على بكالوريوسات في الجامعات لأنهم أعلى منه علمياً".
