يعانى المواطن السكندري أثناء استخراجه لبطاقات التموين والخبز، تزاحمٌ شديد للمواطنين على المكاتب، فضلًا على الروتين الحكومي المعروف من كثرة الأوراق المطلوبة، وتأخير تسليمها، كما تنشب المشادات بين المواطنين والموظفين بسبب المعاملة السيئة لهم.
حيث شهد نادي الصعيد العام اليوم، بشارع شريف بوسط الإسكندرية، تزاحمًا شديدًا لتقديم الأوراق لعمل أو تجديد أو تغير بطاقات التموين والخبز، فيما رفض الموظفون ااستلام الأوراق، واكتفوا بتسليم عدد من البطاقات القديمة.
كما منع الأهالي من الدخول، ليتم التعامل من خلال أسوار حديدية، فيما حدثت مشادات كلامية بين المواطنين والموظفين، بسبب المعاملة، التي وصفها المواطنون بـ"غير الآدمية".
وباستطلاع آراء الأهالي، قالت "أنيسة عبد المنعم": "أقسم بالله احنا فى بلد الظلم والفساد، من الساعة 8 الصبح لحد الساعة اتنين بترجى موظف قد عيالى من ورا السور أنه ياخد الورق ليه؟".
وقال "جابر محمد": "دول موظفين الشيطان، يرضي مين إننا نقف كدة نشحن ونتذلل للموظفين عشان ياخدوا الورق مننا، من الساعه 8 الصبح، وفي الآخر يقولي مش هقدر أخد حاجة، غور من هنا، هو احنا بنشحت!".
فيما أردف "حسنين أمين" قائلًا: " فين السيسي أبو كف رقيق وصغير، الموظفين هنا بتتعامل معانا وكإننا عبيد وهما أسياد، شتيمة وقله أدب، ومش عايزين ياخدوا الورق مننا، حسبي الله ونعم الوكيل".
وقال "محمد رمضان": "أنا بقالي 3 أيام أجي أقف من الساعة 8 لحد 2 عشان اتذل للموظفين عشان ياخدوا الورق وفي الآخر قله أدب، ولا احترام لسن ولا راجل ولا ست ولا أي احترام عند موظفين الفساد منهم لله".
