تسود حالة من الاستياء لدى طلاب جامعة حلوان والعاملين فيها، بعد قيام شركة فالكون المكلفة بحراسة الجامعة بتركيب ممرات حديدية داخل الأبواب المصفحة المثبتة على البوابات الرئيسية للجامعة.
وأكد الطلاب أنهم يستغرقون وقتا كبيرا في المرور من البوابات، فضلا عن الإجراءات الأخرى كالتحقق من الكارنيهات وتفتيش الحقائب والبوابات الإلكترونية.
يقول الطالب عمر السيد: "هو موضوع البوابات الحديد دي حاجة مستفزة جدا، وحاجة مش آدمية بالمرة، أنا بحس إن أنا داخل معسكر جيش أو مفاعل نووي"، وأضاف: "طريقه معاملة الأمن مش طريقة معاملة لطلاب جامعة خالص سواء في طريقه تفتيش الشنط أو في إجراءاتهم اللي مش بتخلص، وأنا عن نفسي مش لاقي مبرر لدا كله".
وأضاف الطالب أحمد سعيد: "أنا مش شايف داعي للبوابات الحديد دي، يعني انت عندك بوابات مصفحة وكاميرات مراقبة، وبوابات إلكترونية، ده غير تفتيش الشنط والتحقق من الكارنيهات، لازمتها ايه دي؟ غير أنها بتعطل الطلبة خاصة في فترة الصبح بسبب العدد الكبير وكمان إنه مش بينفع يدخل أكتر من طالب واحد في نفس الوقت وده بيأخرنا عن المحاضرات والسكاشن، ولو انت شايل حاجة زي الأدوات أو أي حاجة حجمها كبير شوية مش هتعرف تدخل بها".
