طالب الكاتب الساخر عمر طاهر، رجل الأعمال نجيب ساويرس، بالتوقف عن تصريحاته بشأن الإعلامي الشاب رامي رضوان، والإعلامي يسري فودة، والتى وصفها بالوقاحة.
وقال طاهر في تدوينة له بموقع التواصل الاجتماعي "فيس بوك": "وهى وقاحة لا تخلو من الكذب، يعنى لما يقول إنه مشى رامي رضوان علشان بياخد تعليمات من جهات سيادية، دي أولا وقاحة في حق مذيع شاب في أول طريقه، وحتى لو دي حقيقة وأنا أشك، عمر الجهات السيادية ما هتهتم ببرنامج بيتذاع تمانية الصبح، علشان تنقل من خلاله فكرة وهي المهتمة بالليل وآخره حسب الليستة اللي سمعناها في المكالمات".
وأضاف: "لكن حتى لو ده صحيح فمن الوقاحة إنك تدبح مذيع لسه بيبدأ طريقه، والأكثر وقاحة إنك تكون بتقول كده انتقاما من مذيع سابك بمزاجه وراح قناة تانية، أعتقد إن ده هو الموضوع، لأنه لو على الجهات السيادية بص حضرتك كويس على اللي شغالين في محطتك".
وتابع: "يسرى فودة زى ما هو، ولا عمره لبس دبدوب أحمر في حلقته بمناسبة الفالنتين ولا عمره قدم اسكتشات هزلية، هو بس دمه تقل على قلب ساويرس، والجهات السيادية أقنعت ساويرس بكده".
