أشتكي أهالي وأمهات الأطفال بالفيوم من نقص ألبان الأطفال المدعمة من قبل الدولة بالصيدليات والوحدات الصحية ، مما يسبب العديد من المشاكل للأهالي بعد ارتفاع أسعار الألبان المستوردة الأخري .
وقام مراسل رصد بتقصي سر أختفاء "اللبن " للوقوف سر المشكلة :
فقال دعاء : و الله نقص اللبن المدعم يسبب لنا مشاكل كثيرة و مش عارفين نتعامل مع المشكلة دي أزاي ، في البداية أحنا علي طول و لحد فترة قريبه ، كنا بنجيب اللبن من الوحدة الصحية أو الصيدليات بـ 17 جنيه للعلبه و كان متوفر.
وتابعت : لكن من فترة 4 اشهر و اللبن مش موجود خالص و إن أتوجد مرة مش يتوجد التانية ، و كل ما نروح نسأل عليه ف الوحدة الصحية يقولوا لنا الحصة لسة منزلتش ،و اللبن التاني أسعاره عاليه علينا لان اقل علبه فيه يصل سعرها ل 45 جنيه ، و أحنا ناس علي الله فمنقدرش نغطي تمنه .
وأضافت :و المشكلة كمان إن ابني عنده شهرين فمينفعش أكله أي حاجه أو أشربه أي مشروب .
و أدي أحنا من فترة للأخري ريحين جايين علي أمل انه يتوجد .
وكشف الدكتور أحمد ' صيدلي ' : اللبن المدعم ينزل للصيدليات و الوحدات الصحية تبعا لجدول شهري – حصة شهرية – لكن من فترة ملاحظ نقص كبير في السوق بشكل عام و يرجع سببه لمشكله إن الأهالي تتجه للبن غير المدعم و أقل سعر للعلبه فيه بتكون بــ 45 جنيه ولحد 90 جنيه ودا خارج قدرات الأهالي .
وأشار إلي إن الأمهات تبكي من عدم قدرتها علي توفير اللبن لإطفالهم ، مضيفاً إلي ان أسباب النقص تعود إلي إن بعض الصيدليات تتجه لبيعه ف السوق السوداء بأسعار اعلي ، و كمان بسبب نقص الحصة بيفضل البائعين إعطاء اللبن لإقاربهم .
وكشف إن جميع الألبان سواء المدعمة أو غيرها بتكون مستوردة فيؤدي إلي سبب احتكار شركات التوزيع و ارتفاع الأسعار ،ويعود السبب الرئيسي إلي غياب كامل للرقابه من وزارة الصحة و الجهات المسؤولة .
