ارتفعت أسعار الخضروات والفاكهة في أسواق مركز ناصر وقراها ببني سويف، وسط حالة سخط من الأهالي والبائعين في الأسواق.

وفى حوار مع إحدى البائعات لـ”رصد”، قالت: “كل حاجة موجودة، كل الخضار موجود، لكن الأسعار نار، بقينا مش بنبيع، مفيش حد بيشتري، كل فين وفين لما بنبيع حاجة، الناس بييجوا يشوفوا وأول ما يعرفوا السعر بيمشوا”.

من جانبها قالت “صفية.ج” (مواطنة): “أسعار اليومين دول بقت غالية قوي علينا، وبنبيعها فبتكون غالية على الناس. وصل سعر الباذنجان لـ3 جنيهات والطماطم زادت من 4 لـ5 جنيهات، والخيار من 2 إلى 3 جنيهات” .

“سيد.ك”، أعرب عن شديد استيائه، قائلًا: “بقينا مش بنبيع على قد ما بنشتري، بنفضل واقفين في السوق هنا في أشمنت أو المركز أو أي قرية، من الصبح لغاية العصر ومش بنبيع حاجة، الناس بييجوا يشوفوا ويعرفوا الأسعار ويسيبونا، طيب مين المسئول عن الارتفاع ده؟ مش احنا اللي بنغليها!”.