جدد مواطنو محافظة الإسكندرية شكواهم من كوبري “أم زغيو” والذي أسموه بـ”جسر الموت”، حيث يعاني من انعدام الإنارة، فضلا عن ضيق مساحته، ما يعرض حياة المواطنين للخطر.
ويقع كوبري “الموت”، بامتداد طريق أم زغيو غرب الإسكندرية، لا يتعدى عرضه الـ 4 أمتار، وتخلو جوانبه من حواجز حديدية أوخرسانية، كما أن أعمدة الإنارة به لا تعمل نهائيا، فضلا عن وجود فتحة كبيرة بأحد جوانبه يتسع لسقوط دراجة بخارية، ما أسفر عن وقوع العديد من الحوادث وسط تجاهل تام من جانب المسئولين بالمحافظة.
وأكد العديد من المواطنين أنهم تقدموا بكثير من الشكاوى للحي، ولكن لا حياة لمن تنادى، يقول حسن مسعود “سائق”: أنا حرمت أعدي من على الكوبري بسبب المنظر ده، ولو حكمت بعدي بالنهار وواحدة واحدة، كوبرى من غير جوانب ويا دوب عربية واحدة تعدي، فين الحي؟”.
وقالت هبة السيد: “الكوبري ده مالوش أي لازمة خالص، هو موجود بس عشان يأذي أي حد مش واخد باله طلع عليه، ولا في حي ولا محافظ، ولا أي حد حاسس بحاجة، كل واحد في دنيا تانية”.
وأضاف نعيم منعم: “شوية حرامية، ورئيس الحي إزاي قابل إنه يكون في كوبري زى ده، وبسببه ممكن أي حد يموت، يبقى ميستحقش يكون موجود في مكانه”.
من جابنه، أكد محمود شفيق: “الكوبري مصيدة لأي حد، يعني إيه كوبري يعدي عربيتين بالعافية، ومفيهوش أي جوانب؟، ده غير إن الكوبري مخرم يعني واقع للأسف، دى مش دولة لو وكالة خضار هيكون فيها تنظيم أكتر من كده”.
