عبّر أحمد حسام “ميدو”، رئيس قطاع الناشئين بنادي الزمالك، عن رأيه في سبب حماس جماهير الزمالك الشديد هذا الموسم.
وكتب “ميدو”، عبر صفحته الرسمية على “تويتر”: “مع الأسف في ناس مش فاهمة ليه الزمالكاوية متحمسين جدا لفريقهم هذا الموسم.. الزمالك عاش كبوة خارجة عن إرادته لمدة عشر سنوات”.
وأضاف ميدو: “عشر سنوات من التخبط الإداري كانت كفيلة بكتابة فصل النهاية لأي ناد في العالم لولا إيمان جمهورنا العظيم بأننا سنعود أقوى مما كنّا، ولولا بعض أبناء النادي المخلصين الذين أقسموا إنهم لن يرتاح لهم بال إلا بعودة الزمالك”.
وتابع: “ماعندناش حاجة اسمها زمالكاوي نص نص.. ما عندناش حاجة اسمها والله أنا ماليش في الكورة بس أنا زمالكاوي! الزمالكاوي بيسيب اللي في إيده لو عايش حتى في كندا علشان خاطر ماتش الزمالك، سواء كان الزمالك متصدرا أو العاشر.. إنك تكون مجنون زمالك حاجة كده عمرك ما هتفهمها إلا لو ربنا أنعم عليك بنعمة الزمالك”.
