مع اقتراب شهر رمضان يستمر فشل منظومة الخبز الجديدة في الفيوم في تلبية احتياجات المواطنين من الخبز والدقيق، فمازالت معاناة الكثيرين في عدم استخراج البطاقات الذكية، وتسجيل أطفالهم مستمرة، رغم وعود والمحافظ ووكيل الوزارة المستمرة بحل الأزمة وهوه مالم يحدث حتى الآن.
وعلى جانب آخر، اشتكى المئات من أبناء الفيوم من عدم صرف مستحقاتهم من الدقيق، وهو ما أثار حالة من الغضب بين المواطنين، خصوصا مع اقتراب شهر رمضان، فيما تشهد منافذ التموين ازدحاما كبيرا فى محاولة من الأهالي للحصول على حصصهم التموينية .
وقالت أم عبدالرحمن “أنا واقفة من الساعة 9 الصبح لغاية العصر، ولغاية دلوقتى الدقيق مجاش، هنقف اكتر من كده ايه، واحنا داخلين على رمضان محتاجين نخبز”.
وأضاف سيد حنفى “قالوا الفرد الواحد ليه 10 كيلو بس في الشهر قلنا ماشي، وغلبونا ولففونا عشان نطلع البطاقة، وبعد ده كله مفيش دقيق لسه جه؟ هيه الحكومة هتعمل فينا ايه أكتر من كده حرام عليهم “.
وقالت أم خالد “الحكومة بتعاملنا بمنتهى الاحتقار، والناس بتوع التموين بيعملونا معاملة زبالة ويزعقوا فينا ويطردونا، على أساس اننا جايين ناخد من جيوبهم مفيش معاملة محترمة خالص للمواطن في البلد دى ومش عارفين ناخد حقوقنا “.
بينما قالت مصادر تمونية لشبكة رصد إن حصص المحافظة من الدقيق لم يتم استلامها بالكامل من الوزارة، وإن هناك نقصا كبيرة في إمدادت الدقيق للمحافظة خصوصا مع زيادة حصص العديد من المخابز، وهو ما أدى إلى نقص حصص الدقيق المدعمة للمواطنين .
