هاجم الصحفي إبراهيم عيسى، خالد حنفي، وزير التموين بحكومة إبراهيم محلب، قائلًا: “أنا باستغرب الصمت الحكومي تجاه إجراءات الوزير”.
وأضاف عيسى، خلال برنامجه “25/ 30” المذاع على فضائية “أون تي في”: “أنا مستغرب من الأرقام الفاضحة اللي بيقولها خالد حنفي وزير التموين، في حين أن وزير المالية ساكت ومش بيتكلم، وده دليل على غياب التخبط عند الحكومة وغياب الرقابة والمتابعة والمساءلة، والموضوع زاد عن حده”.
وتابع “إزاي الوزير يقول أرقام مغلوطة ويصنع اتجاه في الرأي العام على أرقام غلط بيقولها الوزير عن السلع الاستراتيجية في مصر، لما يتكلم الوزير عن الخبز يبقى لازم ينتبه عن الكلام اللي بيقوله، ولما أكون مصدر أقول أرقام لازم أكون متحقق منها”.
وأكمل عيسى “الوزير عايز يقول إن منظومة الخبز ناجحة ومكسرة الدنيا، في حين أصلًا إن فكرة المنظومة مش فكرته أصلًا علشان يتفاخر بيها”.
شاهد الفيديو:
