نشر الطالب إسلام أبو المعارف شهادة مفصلة عما شاهده في لجنة الامتحان أثناء اختطاف صديقه “إسلام صلاح عطيتو”.
وكتب، في منشور له عبر صفحته على موقع “فيس بوك”: “دي شهادتي مفصلة بكل اللي شوفته في لجنة الامتحان اللي قتل بعدها #إسلام_صلاح_الدين_عطيتو، كنا قاعدين في اللجنة وفي الساعة 10:40 كان الدكتور المراقب مشغول مع الطلبة علشان يوضح لهم مشكلة معينة في الامتحان، في نفس الوقت دخل اثنين من باب اللجنة وبدؤوا يشوفوا الأسماء على كل ديسك، وكان ماشي معاهم الراجل اللي بيسلم لنا ورق الإجابة لكل امتحان”.
وأضاف قائلا: “لحد ما وصلوا للمكان اللي قاعد فيه إسلام صلاح وسألوه أنت إسلام صلاح؟ رد أيوة أنا.. قالوا له (طب ابقى عدي علينا بعد الامتحان في شؤون الطلبة علشان ناخد صورة من البطاقة بتاعتك علشان ناقصة في الورق بتاعك)”.
وتابع قائلا: “أنا اتعاملت مع شؤون الطلبة، والاتنين دول مش منهم، بعدها خرجوا من اللجنة، وكملنا الوقت الباقي من الامتحان وهو كان تلت ساعة، ولإن إسلام مالهوش اختلاط جامد بالدفعة، فهو خلص الامتحان وخرج وكان فيه عدد كبير من الدفعة داخل اللجنة، ودي كانت آخر مرة شوفناه فيها”.
.jpeg)
