أبدى أهالي مدينة سنورس بالفيوم، تعجبهم، من قيام المجلس المحلي بتشجير منطقة مركز شرطة سنورس، دون رفع القمامة الموجودة في المناطق الأخرى علي بعد أمتار من مقر المجلس المحلي نفسه، حيث يعاني أهالي مدينة سنورس وقراها، من تراكم القمامة في الشوارع وانتشار الحشرات والذباب، ما سبب للأهالي العديد من الأمراض، وسط استياء منهم.
وقال إبراهيم علي، موظف، “مشكلة الزبالة دي مش جديدة لأ احنا بنعاني منها من فترة طويلة، وقدمنا أكتر من طلب بتوفير صناديق زبالة لمنطقة “بورة الزيني” اللي الزبالة وصلت فيها لابواب المنازل، لكن المجلس المحل ماشي معانا بسياسة التطنيش ، ومبيعملش أي حاجة”.
وأضافت رجاء السيد، ربة منزل، “احنا عارفين إن البلد كلها ماشية على كدا بالواسطة والمحسوبية، لكن مكناش نعرف انها توصل حتي للزبالة، عندك منطقة المركز الشرطة بيزرعوا فيها شجر واحنا هنا الدبان أكلنا ومش مهتمين حتي يشيلوا الزبالة”.
