سادت حالة من الاستياء، بين أهالي قرى أولاد نجم، بمركز نجع حمادي، بمحافظة قنا؛ بسبب قيام الحكومة بتنظيف الترع والمصارف وإلقاء مخلفاتها على جانبي الطريق الزراعي الرئيسي أمام القرى بدلًا من التخلص منها.
جاء ذلك، بعد أن تم تجديد هذه الطريق وتوسعتها منذ أشهر معدودة، وبعد إنفاق الآلاف عليها، ما زاد من حالة الاستنكار بين المواطنين.
يقول المواطن سيد النجمي: “بعد ما فرحنا بالطريق إنه جديد ونضيف والعربيات بقت بتمشي عليه مرتاحة، اتفاجئنا بالكراكات بتاعت الري بترمي القمامة بتاعت الترعة علي الطريق وحاولنا نكلمهم لكن ما حدش سمعنا“.
وأضاف خالد فراج “العجيب المرة دي إن الحكومة هي اللي جددت الطريق ودفعت فيه الفلوس، وهي نفسها اللي بتبوظه وكله من فلوس الشعب اللي بتهدر من غير رقيب، يعني بدل ما يجيبله لودر ينقل القمامة دي يروح يرميها على الطريق ويبوظه من تاني وكأنك يا أبوزيد ما غزيت”.
وقال علي حامد، سائق: “الأول كان الطريق حلو وبتعدي عربيات رايح جاي بشكل مرتاح، دلوقتي الزبالة خدت نص الشارع، ولو جات عليك عربية كبيرة في المقابل لازم تقف علىي جنب عشان تقدر تعديها، وما تعرفش الحكومة بتعمل فينا كدة ليه”.
