بتعليقات ساخرة، اتهم بعض جماهير النادي الأهلي من رواد موقع “فيس بوك” النادي الإسماعيلي بـ”تفويت” مباراته أمام الزمالك وإهدائه 3 نقاط ليتصدر الأخير الدوري الممتاز بـ80 نقطة ويقترب من درع الدوري، في الوقت نفسه واجه جماهير الزمالك بنفس السخرية، إذ اعتبروا أن مختار مختار مدرب النادي المصري قام هو الآخر بـ”تفويت” المباراة مع الأهلي.
وكانت التعليقات كالتالي:
فؤاد حسن: “من كتر ما الناس عارفة إن ماتش البوابين والمنجاوية تمثيل اتذاع ع نايل سينما”.
بينما قال محمد حمدي: “عمومًا هما مع بعض كده على طول.. جمايل وبيردوها لبعضيهم”.
وسخر أحمد حسن: “طارق يحيى لسه بيسجل الأغنية”.
وقالت منى عادل: “مبروك عليكم طارق يحيى أقصد درع الدوري”.
وقال محمد حاتم: “مبروك لزمالك ولاد العم”.
وسخر مصطفى فهمي: “ده الإسماعيلي ناوي على الخسارة مش هيعمل كده يا لهوي ولاد العم معروفين”.
بينما واجه جماهير الزمالك اتهامات الأهلاوية بتعليقات ساخرة ومنها:
قال عمرو محمد: “بس مختار مختار بردو كان عامل شغل”.
ورد طارق المنياوي: “اللي يفوت ماتش مايخسرش 3 يا أغبياء”.
وقال وائل حسن: “مش أحلى من مسلسل الشيخ مختار ده فشخ مسلسلات رمضان يا جدع”.
بينما قال أحمد إسماعيل: “أحلى حاجة إن كل الأهلوية هيجيلهم القلب دلوقتي”.
