بالفيديو.. اشتباكات بمطار القاهرة.. ونشطاء: سوق العبور الدولي

تداول نشطاء موقع التواصل الاجتماعي “فيس بوك”، فيديو يظهر عددًا من المصريين بمطار القاهرة الدولي أثناء عودتهم إلى مصر بعد أدائهم مناسك العمرة.

وأظهر الفيديو، اشتباكات بالأيدي بين المعتمرين؛ وذلك على أسبقية الحصول على عربة اليد التي تحمل الحقائب، وهو ما سخر منه نشطاء مواقع التواصل الاجتماعي.

تباينت ردود فعل النشطاء؛ حيث حمل البعض الركاب مسؤولية ما حدث، فيما حمل البعض الحكومة ومسؤولي المطار المسؤولية كاملة، مؤكدين أن التنظيم هو دور المطار وليس المسافرين.

وقال حساب على موقع فيس بوك: “تخلف البشر اللي بيكونوا على الرحلات السعودية، فيما قال آخر: “طب وليه الهمجية دي بدل ما الناس تقدم شكوى لا بيتخانقوا مين اللى ياخد العربية”، فيما علق آخر: “أهلًا وسهلًا بالرحلات اللي جاية من السعودية… نفس المنظر ده جوا الطيارة وفي الآخر يقولك المضيفات مركبين وش خشب ليه من اللي بيشوفوه”.

وقال أحد النشطاء: “العيب مش على الناس فقط قبل ما يكون العيب على عدم التنظيم لوجود عربيات داخل المطار للناس دي كلها، دي سلوكيات وتربية، والناس دول مش متربية على الآداب العامة، وقال آخر: “المشكلة دي بتتكرر في المواسم الدينية وأيام رجوع المدرسين من السعودية، المشكلة إن كله بيحجز وعايز يروح بلده بأقصى سرعة”.

وصف آخر المشهد بـ” سوق العبور الدولي”.

وعلق أحد المغردين: أن “الناس اللى بتقول شعب ودي عيب منه… اللي راحت المطار وشاف العاملين اللي هناك مش هيقول كده.. العامل مابيشتغلش إلا برشوة… أول لما تنزل من الطيارة حتى أمين الشرطة بيقولك.. الحلاوة.. حمدالله ع السلامة الحلاوة يا باشا… لو مدفعتش بقى… هتبقى زي دول كده ليه بقى… عشان العمال بيخبوا العجل بتاع الشنط وتلاقي واحد عامل فيها ملاك وجايبلك واحدة عشان ياخد منك فلوس… والله العظيم ده اللي بيحصل وحصل معايا شخصيًا… منهم لله.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/ar_AR/sdk.js#xfbml=1&version=v2.3”; fjs.parentNode.insertBefore(js, fjs);}(document, ‘script’, ‘facebook-jssdk’));