يعاني أهالي مركز يوسف الصديق بمحافظة الفيوم، من مشكلة غرق الشوارع في مياه الصرف الصحي، فضلاً عن انقطاع مياه الشرب لساعات طويلة عن المنازل.
ويلجأ الأهالي لملء الأوعية بالماء من الترع وماكينات سحب المياه الجوفية، في الوقت الذي تغرق فيه العديد من شوارع المدينة مياه الصرف الصحي، والتي تسبب العديد من الأمراض التي تهدد الحالة الصحية للمواطنين.
وفي لقاء “رصد” مع عدد من أهالي الفيوم، قال محمود سيد: “المياه قاطعة عندنا من يوم 15 رمضان ولا عارفين نسقي البهائم ولا عارفين نشرب ولا عارفين نقضي مصالحنا، وبعد كده جت على العيد 3 أيام وقطعت تاني، وإحنا من ساعة العيد لحد دلوقتي وهي قاطعة، وكل واحد عنده جركنين بيملاهم من الترعة”.
وقال جمعة رجب متعجباً: “بنتمرمط كل شوية علشان نملي جركن مياه ولا حاجة نشرب منها، كل شوية توك توك رايح وتوك توك جاي وإحنا ناس مش لاقيين ناكل، هندفع كمان فلوس عشان نشرب المياه في بلد فيها نهر النيل”.
بينما قالت حنان علي، ربة منزل: “مياه الصرف الصحي غرقت بيتي بالكامل، ومش عارفين نقعد من الروائح الكريهة، ومياه الشرب مش لاقياها ولا عارفة أعمل أكل لأهل بيتي ولا عارفة أقضي احتياجات البيت”.
