تسيطر حالة من السخط والغضب على سكان منطقة عوارة التابعة لحي أول طنطا بمحافظة الغربية؛ بسبب غرق المقابر بمياه الصرف الصحي وانتشار القمامة بالمنطقة، فضلًا عن انبعاث الروائح الكريهة.
يقول خالد حسن “أحد سكان منطقة عوارة”: “احنا اتصلنا بالمسؤولين بشبكة مياه الشرب والصرف الصحي وبيوعدونا كل مرة إنهم هيجوا ويحلوا المشكلة ولكن وعود فقط”.
ويعلق إسماعيل محمد “موظف بالبريد”: “أرسلنا العديد من الشكاوى للمسؤولين على رأسهم المحافظ سعيد مصطفى كامل، ورئيس مركز طنطا عبدالرؤف محمد، ورئيس حي أول طنطا مجدي غنيم ولكن دون جدوى”.
ويضيف “لو احنا في قرية كنا جمعنا من بعض وحلينا المشكلة، أما دي مدينة والمنطقة كبيرة والمقابر يوميًا بيدفن فيها أكتر من 5 أشخاص والناس بتتبهدل وهي راحة تدفن، لازم حل”.
وتقول أم محمود “بائعة روبابيكيا”: “الحال ده مايرضيش مسلم ولا كافر إن واحد ييجي يدفن أبوه وييجي بعد أسبوع يلاقي أبوه غرقان في مية جوه تربته وإبراهيم التربي راح اشتكى وقالوله هنشفط الميه ونصلحها تاني يوم العيد ومش عارفين العيد بتاعهم ده هييجي إمتي لحد دلوقتي”.
