يشكو الباعة في منطقة الشواربي والسيل بأسوان، من حملات إزالة الاشغالات المتعاقبة والمستمرة منذ أكثر من شهرين من قبل قوات الأمن، مشيرين إلى أنهم يحتجزون بضاعتهم حتى يقوم البائع باستلامها ودفع مبلغ يفوق سعرها الأصلي.
يقول أحد الباعة: “البلدية كل يوم والتاني عندنا وبياخدوا البضاعة وعلشان نرجع حاجتنا تاني لازم ندفع ومفيش مرة إلا والبضاعة تكون ناقصة، آخر مرة أخدوا 219 قطعة وبعد مادفعنا الفلوس ورجعنا بالحاجة بنعدهم لقيناهم 200 بس”.
ويضيف محمد سعيد، بائع آخر “معندناش مانع نلم البضاعة ونروح مكان تاني، بس يكون مناسب وفي وسط البلد مش يرمونا في منطقة بعيدة ونخسر الزباين”.
وأفاد الباعة، أن المحافظة قد وعدتهم بتخصيص مكان لهم في منطقة النفق منذ زمن طويل، ولكن لم ينفذ هذا الوعد ولم يتم بناء سوى حائط واحد من المكان، مشيرين إلى أن منطقة النفق بعيدة جدًا عن منطقة السوق والزبون.
ويعلق محمود صالح: “الزبون مش هيشتري من المحلات في وسط البلد وبعدين يركب مواصلة تاني علشان يكمل باقي حاجته، النفق مكان محدوف بالنسبة لينا أنا لو زبون صعب اتنطط في المواصلات علشان اشتري حاجة، لكن في وسط البلد الوضع مختلف، وبعدين فين المكان ده أصلأ كل شوية هنبني، هنجهز، ولا بنشوف حاجة”.
وأضاف “حتى المنطقة المقررة لتصبح ممشى سياحيًا والمعدة لأستقبال أكثر من 80 محلًا مهجورة وفارغة وتستلزم من المواطن مواصلتين على الأقل ومسافة طويلة للمشي للوصول إليها”.
