تتواصل معاناة أهالي قرية دراجيل التابعة لمركز الشهداء، محافظة المنوفية، بسبب انقطاع مياه الشرب لليوم الثالث على التوالي، وذلك دون معرفة السبب وراء انقطاعها.
إذ استيقظ أهالي “دراجيل” يوم الجمعة، على انقطاع المياه، وظنوا أنها ستنقطع لعدة ساعات كالعادة، ولكن فوجئ الأهلي بحلول الليل دون وصول المياه؛ فاتجه الأهالي لإجراء الاتصالات بالمسؤولين وبشركة المياه، فلم يخبرهم أحد بسبب انقطاع المياه.
وبعد مرور يوم كامل على الانقطاع، أوضح المجلس المحلي أن سبب انقطاع المياه هو كسر بإحدى المواسير، وأنه سيتم إصلاحها.
وبحسب الأهالي فإن يوم السبت مر ولم تحل المشكلة، ووصل انقطاع المياه لليوم الثالث دون معرفه الأهالي المشكلة الحقيقية وراء انقطاع المياه حتى انتهاء يوم الأحد.
إلى هذا، فقد توجه مراسل شبكة “رصد” إلى القرية لمحاولة الوقوف على أبعاد المشكلة من المواطنين، من جانبه، قال ياسر صالح: “أنا صحيت أصلي الجمعة مش لاقيت مية تماما في المواسير بعت ابني يملى من مكان تاني بس أنا كنت متخيل أنها قاطعة في منطقتي بس لكن ابني قالي إنها قاطعة في القرية كلها وللأسف مش كنت مخزن ميه واضطريت أشتري مية للشرب وطبعا في الحر ده صرفت 200 جنيه مية في 3 أيام”.
كما قال أحد الفلاحين، ويدعى خيري عادل: “أنا اتصلت على محطة المية قالت لي عطل وبيتصلح وهترجع كمان ساعتين قولت اصبر وبعدين اتصلت تاني قالوا ده في ماسورة مكسورة ولسه بندور عليها، الغريب بقي إنهم بقالهم 3 أيام بيدوروا عليها كأنها إبرة في قش الحكومة بتضحك علينا علشان تسكتنا بس”.
أما ممدوح أحمد فقال: “الموضوع ده بيتكرر كتير في القرية وكل مرة يقولوا عذر غير الأول، لكن الحقيقة إنهم مش عارفين يحلوا المشكلة والغريب بقى إننا بندفع فواتير المية غالية جدا طيب مش لما تنتظم المية في القرية تبقى تغلي؟! بصراحة الفساد بقى في كل حاجة حتى الميه اللي بيشربها الإنسان”.
