تشهد قرية القطا، التابعة لمركز القناطر بشمال الجيزة، انقطاعًا مستمرًّا للتيار الكهربي، والتي تجاوزت الـ10 ساعات يوميًّا في بعض المناطق؛ مما تسبَّب في إثارة حالة من الاستياء بين الأهالي، وخاصةً في ظل ارتفاع درجات الحرارة.
كما تسببت مشكلة انقطاع التيار الكهربي في تكبيد أصحاب محلات المواد الغذائية واللحوم المجمدة خسائر كبيرة؛ حيث توقفت الثلاجات وهو ما تسبب بدوره في تلف وفساد الأطعمة الغذائية.
وكان لمراسل شبكة “رصد” حضور في القرية للوقوف على المشكلة ومعرفة ردود أفعال الأهالي؛ إذ قال عبد الله سعد “مالك أحد محال السوبر ماركت”: “منتجات اللحوم بتبوظ كلها، اللحوم المجمدة والكبدة والكفتة بتبوظ بسرعة، ده غير الأيس كريم اللي باظ برضه، وكمان الحاجة الساقعة سوقها مبقاش شغال مع إن ده وقتها، وده طبعًا بسبب إنها سخنة لأن الثلاجات مش شغالة”.
كما عبر عمرو حمدي “أحد أصحاب المحال التجارية عن استيائه” من تكرار انقطاع الكهرباء قائلاً: “هما مش قالوا إنهم لقيوا حل للمشكلة دي، طيب فين بقا؟ ده الكهرباء بتقطع كل يوم بالـ10 ساعات وبتبوظ الشغل كله، احنا خسرنا اللي عملناه في طول السنة في شهرين الصيف دول”.
وأضافت فاطمة مجدي، ربة منزل: “الكهرباء بتقطع يوميًّا وأصلاً الجو مش مستحمل، احنا خلاص بنسيح من الحر والأجهزة الكهربائية في البيوت بتبوظ بسبب الانقطاع المتكرر”.
