تداول عدد من رواد موقع التواصل الاجتماعي عبر “فيس بوك” “بوست” عبارة عن صورة لحشرة تخرج من “لبوس جليسرين” من إنتاج شاركة فاركو للأدوية، أكد صاحبه أنه اكتشفها قبل أن يعطيها لطفله الرضيع.

وقال أحمد سامي أبو السعود: “اشتريت لبوس “جليسرين” للرضع من إنتاج شركة فاركو لابني “الرضيع” وحطلي ميت خط تحت الرضيع دي، المهم جبتها بناءً على توصية دكتور الأطفال اللي كنت عنده، وبدأت بأول وحدة ولسه هديها للولد بالعافية لاحظت الحشرة اللي جواها زي ما انتم شيفين في الصوره كده !!!!“.

وأضاف: “حالة من الإهمال وعدم المسؤولية بأطفال ذنبهم إنهم جم في بلد آخر اهتماماتها هو صحة البشر اللي عايشين فيها، حسبي الله ونعم الوكيل في كل واحد بيقصر وبيهمل شغله وخلانا وصلنا للإستهتار بحياة الناس والأطفال بالشكل ده“.

حظي المنشور بمتابعة قوية، إذ شاركه ما يقرب من 13 ألف مشاركة، وعلق عليه متابعون كثر.

قال Hamdy Abd El Ghany: “لازم تحفظ حقك وتطالب بتعويض.ده اقل حاجة ممكن تعملها للناس ده”.

وعلق Mohamed Refaat Abo Saged : “أولا ألف سلامة علي ابنك شفاه الله وعافاه، والحمد لله انك اكتشفت حاجة زي كدة قبل ما ياخد ابنك اللبوس، وياريت يا احمد تاخد موقف ايجابي وتتصل بحماية المستهلك او تعمل محضر…..وحسبي الله ونعم الوكيل”.

ويقول Ahmed Dergham “أنا كنت فاكر البوستات دي أي كلام.. جت فيك انت يا بوحميد.. عموما الحمد لله إنك اخدت بالك وألف سلامة لابنك.. كونك نشرت دي خطوة كويسة وحاول تاخد إجراء قانوني ..وحسبي الله ونعم الوكيل”.

 لم يتسنَّ  لشبكة “رصد” التأكد من مصدر محايد، على الرغم من توثيق صاحب المنشور شكواه بالصور المرفقة.