ارتفعت  أسعار الخضراوات والفواكه، بمحافظة المنوفية؛ حيث وصل سعر الطماطم إلى 10 جنيهات، في ثاني يوم العيد، وتوقع الجميع أن تنخفض بعد العيد إلا أن السعر وصل 12 جنيهًا.

شملت بقية الأسعار:
الكوسة 8  جنيهات.
الباذنجان 4 جنيهات.
البامية 7 جنيهات
الفلفل الأخضر 5 جنيهات.
الخيار 7 جنيهات.
البلح الأحمر 10 جنيهات.
العنب 10 جنيهات .
التين 10 جنيهات.
المانجو تتراوح اسعارها بين 15 و20 و25 جنيهًا، بحسب النوع.
الجوافة 10 جنيهات.

تقول الحاجة سعدية حامد، بائعة خضار: ما يحدث ضرر على البائع قبل المشتري.. اشتريت قفص الطماطم بـ172 جنيهًا من يومين ورحت النهارده الوكالة قالي بـ200 اذا كانت الناس مش راضية تشتري الطماطم بـ 12 هتشتريها بـ15 جنيهًا؟!!

ويضيف عمر صابر: أنا نزلت اشتري طماطم وخضار اتصدمت من الاسعار هو ايه الي بيحصل انا اجيب منين ده غير اللحوم الي وصلت 100جنية للكيلو ..هي الحكومة وظيفتها ايه مادامت الدنيا خراب اوي كده؟!!

وتعلق صفاء عمرو: لما الطماطم توصل 12 جنية يعني محتاجه 40 جنيهًا طماطم علشان اعمل اكل لاسرتي 6 أفراد، ومع الخضار محتاجه 30 جنيهًا ومع اللحمة 200 جنيه يعني وجبة تكلفتها 270 جنيهًا من غير الفاكهة الي محتاجه 100 جنيه لوحدها علشان تكفي عيلتنا يعني ناكل ايه؟ وبعدين هي رواتب الموظفين الي بتنقص مش بتزيد تستحمل كده؟! سؤال ﻻزم الحكومه تجاوب عليه وتفتكر ان في شعب هي مسؤله عنه.