تداول رواد مواقع التواصل الاجتماعي، قصة نجاح شاب مصري تمكن من تعليم نفسه ذاتيا، ليتحول من مزارع إلى رائد أعمال في أميركا.
والقصة تخص الشاب المصري معاوية الديب، الذي ولد بقرية صغيرة بالقرب من النيل، وينتمي لعائلة بسيطة تعيش على زراعة بعض الخضراوات.
لم يتمكن معاوية من دخول المدرسة كي يساعد أسرته في الزراعة، وظل هكذا حاله حتى ولد أخوه الأصغر بمرض نادر، وهو ما أدى إلى تدهور معيشتهم بشكل أكبر، وتشاء الأقدار أن يتحول حالهم بين لحظة وأخرى.
ذات فجأة يفوز والد معاوية في قرعة للسفر إلى الخارج للحصول على الجرين كارد، حيث كان يقدمها كل عام.
وكتب “سعد لطفي” كاتب ومدون عن قصة معاوية عبر منشور على موقع “فيس بوك”، فقال عنه: “معاوية اتولد في مصر، وبسبب مشاكل أسرته المادية كان بيشتغل في مزرعة وهو طفل، بس بعد كده انتقل مع عيلته لأميركا بمجرد ما والده حصل على تأشيرة “جرين كارد لان” العيشة هنا في مصر كانت شبه مستحيلة بالنسبة ليهم، وبدأ يدرس الصف الرابع في أميركا بس ترك الدراسة علشان يساعد في تحسين ظروف عيلته المالية، واشتغل لمدة 12 ساعة يوميا في مطعم بيتزا مقابل 20 دولارا يوميا. الوضع ذاته في المرحلة الإعدادية كان بيشتغل عامل توصيل طلبات وده خلاه مش منتظم في الدراسة كذلك”.
.png)
وأضاف سعد: “لما دخل المرحلة الثانوية بقى للأسف الظروف كانت ضده، والبيت اللي كانوا ساكنين فيه اتحرق بسبب خطأ من عامل التصليحات، واضطر هو وعيلته العيش في مأوى تابع للصليب الأحمر، الأمر ده وفر عليه فلوس الإيجار والأكل، وبدأ يفكر شوية في دراسته”.
وأكمل: “للأسف كان فايته كتير في الدراسة، فبدأ يشوف كل فيديوهات أكاديمية خان المتاحة في الوقت ده علشان يعوض الدروس اللي فاتته في المدرسة، وعلم نفسه ذاتيًا. معاوية التحق بعد كده بـQueens college، وبعد كده حصل على منحة للدراسة في جامعة كولومبيا”.
وأردف: “معاوية زي شباب مصريين كتير، الفرق بس إنه علم نفسه بنفسه، واستغل كل الموارد المتاحة، أما الباقي معتقد إن خلاص طالما فاته قطر المدرسة والجامعة ماينفعش يتعلم… التعلم الذاتي موجود والتعلم الأونلاين ببلاش، والتعلم المعتمد عبر النت أرخص من ساندويتش ممكن تاكله في أي مطعم، كل اللي عليك بس إنك تاخد خطوة بس مش أكتر”.
معاوية يتحدث عن قصة نجاحه:
