هاجم المستشار مرتضى منصور، رئيس مجلس إدارة نادي الزمالك، لاعب الفريق باسم مرسي بعد تصريح الأخير بأن أهم شخص بنادي الزمالك هو المدير الفني فيريرا.
وأضاف مرتضى منصور -في مداخلة هاتفية مع خالد الغندور في برنامجه “اللعبة الحلوة مع بندق” على قناة “إل تي سي”، مساء أمس السبت: “أنا مليش دور ما الولد اللي طلع عندك من شوية وقال إن أهم واحد في نادي الزمالك هو فيريرا واخد بالك ملناش دور خالص لا تربوي ولا مادي أنا بتكلم عن اللاعب اللي عمل معاك مداخلة (باسم مرسي) اللاعب اللي بيحتك برئيس النادي بتاعه”.
وأضاف: “وقالك محدش يقدر يجي ناحية على جبر لا أنا اللي واقف على جبر بصفتي رئيس مجلس الإدارة وشغل الفتونة هناك في الحارة مش عندي أولا ممنوع أي لاعب يعمل مداخلة مع أي قناة إلا بإذن مدير الكرة وهو لم يستأذن نمرة واحد، نمرة 2 هو مش محامي لعلي جبر نمرة 3 في مؤسسة محترمة اسمها نادي الزمالك بيديرها رئي نادي ومجلس إدارة وهو اللي يحدد مين يتعاقب ومين ميتعاقبش نمرة 4 ان مفيش أي حد ليه دور إلا فيريرا لا أنت كداب فعيب أن ولد زي ده يعمل مداخلة بالطريقة ديه ويحتك برئيس نادي محترم”.
كان اللاعب باسم مرسي، مهاجم نادي الزمالك، قال في مداخلة مع خالد الغندور في برنامجه “اللعبة الحلوة مع بندق” على قناة “إل تي سي”، مساء السبت: “نبذل أقصى جهد مع نادي الزمالك والحمد لله الواحد عمل اللي عليه مع نادي الزمالك وفي احتراف قريب في أوروبا في يناير وخليها مفاجأة وبيتهيألي انا عملت اللي عليا مع نادي الزمالك بالنسبة انا بلعب في نادي الزمالك عشان الجمهور مش عشان أشخاص”.
