تشهد منطقة بشتيل بالجيزة وتحديدًا في شارع محمد مبروك انفجارًا متكررًا لمواسير الصرف الصحي في الشارع والبيوت.
يقول محمد بيومي: “أنا من سكان المنطقة وساكن في أول دور، المياه دخلت علينا الشقة واحنا نايمين واتصلت بالمسؤولين ومحدش سأل فيا مش عارف اكل ولا اشرب ولا اعيش”.
ويضيف عادل، كهربائي: مش عارفين نعيش ولا نشرب حرام عليهم.. الأطفال هتموت من الرائحة وبقفل المحل حوالي 15 يومًا بسبب الصرف اعمل ايه اعيش منين،لازم الحكومة تشوف حل لينا”.
ويعبر الحاج أحمد، صاحب مطعم عن مأساته: الصرف الصحي غرق المطعم، اتصلنا بالمهندس عبد الحي رئيس القطاع وكان رده علينا: اعملك ايه!.
ويعلق مجدي، حلاق: مش عارف اشتغل ومفيش زبائن لانهم مش عارفين يدخلوا الشارع والناس بتعدى من على عتبه المحل والحال واقف.
ويقول محمد، ميكانيكي: “بقى لنا كتير في الهم ده وكل ما ييجي رئيس نقول هيهتم بينا ويعملنا خدمات ونبقي زينا زي باقي الناس وهنقدر نعيش عيشة كويسة لكن الحال لا بيتغير ولا بيتبدل”.
