قال الكاتب الصحفي إبراهيم عيسى، “إن المحليات في مصر عفنة.. الدولة عملت إيه لمواجهة المحليات العفنة؟ هل تغيرت القوانين؟.. مغيروش حاجة، جابوا الوزيرين عادل لبيب ربنا يديله الصحة نظام ما قبل القديم، وأحمد زكي بدر نفس الخيال القديم، والمحافظين يتم اختيارهم بنفس الطريقة القديمة، ولا مؤهلين لأي حاجة”.
وأضاف عيسى، عبر برنامجه “مع إبراهيم”، على فضائية “القاهرة والناس”- “هاني المسيري محافظ الإسكندرية المستقيل.. إيه مواهبه وإيه مؤهلاته وإيه قدراته وطبيعته السياسية، رؤيته خبراته الشعبية السابقة، ولا أي حاجة، اشتغل إيه قبل كده ولا عمل إيه، ده رجل أعمال، وغيره من كل المحافظين إيه المعايير اللي جبتوهم بناءً عليها، تعالوا نتحاسب”.
وتابع عيسى: “في الأزمة لم يتدخل إلا الجيش المصري هو الوحيد المشارك لإنهاء الأزمة، وكل الأجهزة المحلية فشنك وعار، لو المشهد لم يفوقنا، متى نفوق؟، الموضوع جلل بالمناسبة ولو تعاملنا على أنها أزمة سهلة وسنتجاوزها، ستتكرر لمرات عديدة لأن المشكلة في الأصل والجذور”.
