أعلنت السفارة الألمانية بالقاهرة، اليوم، عبر صفحتها على موقع التواصل الاجتماعي “فيس بوك”: “ليس صحيحًا أن ألمانيا توفر فرص عمل للاجئين.. كذلك فإنه ليس من الصحيح أن اللاجئين من حقهم الحصول على راتب”.
وجاءت تعليقات المصريين ساخرة على هذا البيان:
فقال احمد السيسي: “ايه ياجدعان ماتكلمونا بأسلوب احسن من كده احنا 7000 سنة حضارة”.
وقال حساب باسم بلاد الظلم أوطاني: “جرا ايه يا سفارة مجابتش راجل دحنا اسرنا قائد الاسطول الخامس او السادس مش فاكر بس علمنا على امريكا تاك كير على نفسك بقى ها”.
وقال شريف الجندي: “يا عم خلاص شايفنا يعنى قايمين نلجا عندكم من بكره”.
وقال ميدو عادل: “هدى اعصابك ياكوتش ليجيلك شوجر ولا حاجة”.
وقال أحمد غنيمة: “انتو بتغيظونا ولا بتقفلوها فى وشنا .بدل ما تسحبوا عقد رعايتكم لبرنامج ريهام سعيد وبالمناسبة دى تستقدموا اربعه خمسة مليون مصري”.
وقال إيهاب عمران: “جره ايه يا شوية جرابيع اه صحيح انتوا المانيا المتقدمة بس اوعوا تنسو اننا دولة الحضارة ايم ما كانت المانيا شارعين وموقف حمير كان عندنا اهرامات ومعابد وعلوم لحد الوقت انتوا متعرفوش أسررها”.
وقالت ملاك بدر: “طب بالراحة طيب ليه العصبية دي؟!”
وقال محمود علي: “وربنا نخلى السيسي يغضب عليكو وينيمكو من المغرب يال المانيين”.
وقال عمرو صبيح: “الصحيح أن أسلوبك ينافى ابسط اصول الدبلوماسية .. هنا القاهرة وليست دمشق”.
وقال محمد رأفت :” انت بتكلمنا كده ازاى احنا اشرف من الشرف”.
.jpg)
