شهدت محافظة المنوفية عزوفا كبيرا وغير مسبوق من المواطنين خلال مدة التصويت للانتخابات البرلمانية في كل من مراكزها وقراها ورفعوا شعار “ماحدش راح”.
وكانت المحافظة في السابق هي الأكثر تأييدا لحكم العسكر لكنها تعلن تغيرا كبيرا في هذه الانتخابات؛ حيث لاحظ المرشحون هذا العزوف بشكل كبير فخرجوا لدفع الرشوى أمام اللجان واستخدام مكبرات الصوت لدعوة الناخبين للنزول ولكن هذه المخالفات لم تغير آراء المواطنين فاستمر العزوف مخيما على اللجان.
ويقول سمير فهمي، أحد المواطنين، في حديث لـ”رصد”: “أنا ماعرفش أصلا مين المرشحين علشان أشارك، ده غير إن الانتخابات دي بقيت وهم بيضحكوا بيه على الناس علشان يشغلهم عن الغلاء الشديد اللي في البلد، الواحد بيشتغل في أكتر من مكان علشان يعرف يأكل ولاده”.
وأضاف علي طه: “انتخابات إيه اللي كل المرشحين فيها حزب وطني وتجار سلاح ومخدرات.. أمال ثورة 25 يناير اتعملت ليه؟!”.
ويقول أحمد صلاح: “الانتخابات انداس عليها من زمان وماحدش عنده استعداد تاني ينزل وصوته يتحط في صندوق الزبالة، وبعدين الشباب اللي بينزلوا يملوا اللجان في السجن علشان كده ماحدش راح”.
