شن مرتضى منصور، رئيس نادي الزمالك، هجومًا على اللواء سامح سيف اليزل قائلًا “إهدى يا سامح عشان مش عاوزين نتكلم أكتر من كده، وعدم كلامنا احترام لمؤسسة عسكرية أنت كنت منتمي ليها، وأن البرلمان سيُحل يوم 29 ديسمبر بسببك”.
وتابع مرتضى، خلال مداخلة هاتفية مع الإعلامي محمود معروف، في برنامج “استاد معروف”، المُذاع على فضائية”العاصمة”: “سامح سيف الأذى بيتكلم عن دعم الدولة ومخدش باله أن الدولة اتهانت واتمسح بكرامتها الأرض يوم الخميس، مسمعتش رأيه عن الألتراس شوية العيال اللي مرمطوا كرامة الدولة وحاصروا لاعبين واعتدوا عليهم وأهانوا الدولة، كان فين هو ولا دعم الدولة في الفيلم الهندي اللي عامله في مجلس النواب؟”.
وأوضح أن “سامح سيف اليزل قال إن اللي هيتكلم ويعارضه هيعمله عقاب ويحرمه من جلسات مجلس النواب، ده مش لاقي حد يقوله عيب، ويبدو أن مفيش حد بيقول لحد عيب في البلد دي خلاص”.
وأضاف “إهدى يا سامح عشان مش عاوزين نتكلم أكتر من كده، وعدم كلامنا احترام لمؤسسة عسكرية أنت كنت منتمي ليها، وأن البرلمان سيُحل يوم 29 ديسمبر بسببه”.
