شنَّ مقدم البرامج عمرو أديب، هجومًا حادًا على الأجهزة الأمنية؛ بعد القبض على رسام الكاريكاتير إسلام جاويش.
وقال ساخرًا، خلال برنامجه “القاهرة اليوم”، المذاع على فضائية “اليوم”: “الحق عند عبدالحق، إحنا مبنسبش البلد كده، إنما طبعًا الولد ده اتقبض عليه علشان طول لسانه”.
وأضاف “أنا ليه قلقان لأن اللي بنشوفه ده جزء من حزمة إجراءات اقتصادية، فلما كل حاجة تحصل هتعملوا كده وتدوسوا على الناس الغلابة أول ناس هتولع انتوا.. المفتري هو أول واحد هيولع مش حاسين بالناس اللي تحت خالص”.
وتابع: “متشوفوا المعتوه التاني اللى بيطول لسانه كل يوم ومحدش بيعبره، معتوه رسمي يعني، هي منظومة مش ممكن هتقفلها من هنا وتفتحها من هنا”.
