أعرب مرتضى منصور رئيس نادي الزمالك وعضو مجلس النواب، عن دهشته من تخاذل الشرطة فى التصدى لروابط الأولتراس، قائلاً: “مش فاهم الشرطة إزاي متخاذلة وخايفة من شوية عيال مش وطنيين، وهما قادرين على أنهم يلموهم كلهم، لأنهم عارفنهم كمان، وبناشد وزير الداخلية بحبسهم جميعًا، ده أنا اتصديت ليهم لوحدى واتهاجمت وتعرضت للسباب والإهانات، لكنى وقفت ضدهم”.
وعاتب مرتضى منصور، في تصريحات لبرنامج اللعبة الحلوة مع خالد الغندور على قناة LTC، عبد الفتاح السيسى، بعد أن طرح مبادرة للنقاش مع الأولتراس، قائلاً: “أختلف مع الرئيس، ولا حوار مع جماعات إرهابية ومجرمين، وفكرة حضرتك مرفوضة، وفات وقت الجلسات، وأنا عارف إن حضرتك قلبك طيب، لكن مينفعش الكلام ده، وكيف للرئيس أن يقبل بأن يجلس أحد قيادات الجيش مع جماعية إرهابية، وتهين مصر”.
وأضاف رئيس الزمالك اللوم على محمود طاهر رئيس الأهلي، قائلاً: “محمود طاهر طيب ملوش فى المشاكل، واتضحك عليه وبقى ضحية شوية عيال، والأولتراس اللي احتمى بيه بيكسر مبادئ الأهلي وأصبح الشوكة والخنجر اللى بيطعن فى ضهر النادي”.
وتابع مرتضى قائلاً: “قد اللي استشهدوا من ولادنا في الأهلي، استشهد قدهم فى بورسعيد، ولا حد اتكلم عليهم، ولا هي بورسعيد دي مش بلدنا وجزء من وطننا، ويتقال عليهم شهداء؟! وبعدين مش في مجموعة خدت إعدامات وفى إجراءات بتتخذ فى القضية، ولا هو الأولتراس عامل قانون لوحده”.
