هاجم مرتضى منصور، عضو مجلس النواب ورئيس نادي الزمالك، الدكتورة منى مينا، أمين عام نقابة الأطباء، وطالب بسرعة اعتقالها فورًا.
وقال “منصور”، في مقطع مصور بثه عبر صفحته الشخصية على “يوتيوب”: “البلد دي خايفة من مين؟.. ألتراس مجرمين الرئيس يقعد معاهم ومنى مينا بتهاجم الضباط ومنى هانم سيف بتقول البلد مفيش فيها أمان وللسياح اوعوا تيجوا مصر عشان هتتقتلوا”.
ووجه “منصور” خطابه إلى منى مينا قائلًا: “دم أي شرطي بيدافع عن البلد برقبتك.. وأمين شرطة يضرب يتحاكم.. ولازم منى دي تعتقل فورًا.. عشان مطلعة بيان بتقول ممنوع أي دكتور يعالج ضابط أو رجل شرطة في مصر”.
وطالب عضو مجلس النواب، بضرورة تطبيق قانون طوارئ، وخاطب السيسي قائلًا: “هو فيه إيه يا سعادة الرئيس هي فين الدولة.. مين زفت الطين منى مينا.. دي من نفايات 25 يناير، وكمان منى سيف لازم تروح السجن هي وامها وعيلتها.. عشان فيه 4 مليون عاطل في مصر بسبب ضرب في السياحة”.
