أغلقت مديرية الصحة بمحافظة المنوفية، اليوم، مستشفى المواساة بالسادات؛ لمخالفته للشروط الصحية، وسوء الخدمات بعيادة الأسنان والمعمل والأشعة، وذلك بعد التحفظ عليها من قبل السلطات، منذ ما يقرب من عام؛ بدعوى ملكيتها لجماعة الإخوان المسلمين.
وقالت مصادر من داخل المستشفى، إن قرارالغلق صدر بعد نهب وسرقة جميع الأجهزة الحديثة من قبل القائمين على المستشفى.
يقول طلعت محمود: “مستشفى المواساة المكان الوحيد اللي كنا بنجري عليه زمان لما يكون عندنا أي مريض وكانت أسعار الكشف والتذكرة والأشعة في متناول المواطن البسيط، ولكن من بعد ما اتحفظت عليه الحكومة وهو خرب والأجهزة اختفت وأسعاره زادت والنهارده قفلوه واحنا نموت احنا وأولادنا طالما البشوات عايشين”.
وأضافت سوزان عيسى “معظم مستشفيات المدينة فيها إهمال والأسعار مش في متناول الفقراء والمواساة المكان الوحيد اللي كنا بنقدر نكشف فيه احنا وأولادنا ومن بعد ما أخدته الحكومة بقى زي المستشفى العام في الإهمال وسوء المعاملة وسرقة الناس”.
ويعلق بطرس صليب: “بصراحة قبل ما تاخده الحكومة كان شغال تمام وكنا بنلاقي معاملة محترمة وأسعار مخفضة ومش هتفرق دلوقتي قفلوه أو فتحوه لأنه انضم لباقي مستشفيات الحكومة اللي مفيهاش غير الإهمال وحياة البني آدم عندهم آخر شيء بيفكروا فيه”.
