علّق مقدم البرامج الساخر باسم يوسف تغطية التليفزيون المصري والقنوات الفضائية المصرية للجمعية العمومية لنقابة الأطباء، قائلًا: “بعد خمس سنين الإعلام المصري ما زال مثبتا كاميرا على الكوبري اللي فاضي”.

وأضاف باسم يوسف، في منشور له عبر حسابه الرسمي على موقع التواصل الاجتماعي “فيس بوك” قائلًا: “الموضوع مش مجرد تدليس او كذب، كده الدولة كاشفة وشها وبتقولك بالفم المليان أنا والداخلية بتاعتي والإعلام بتاعي (ووزارة الكهربا بتاعتي اللي قطعت على النقابة المولد) بنرعى البلطجة عيني عينك وحطنش على حق أي مواطن عشان احمي كلاب حراستي”.

وتابع قائلا: “وده اعتراف ضمني من الإعلاميين وقنواتهم انهم أدوات في أيد النظام بيقولوا من سكريبت واحد، كل شوية حد بس يطّلع يقوله كلمتين معارضة لايت عشان المنظر، زي كده عبد الرحيم علي اللي عايز تيار معارض يدعم النظام”.

وعقدت نقابة الأطباء، اليوم الجمعة، جمعية عمومية طارئة بعنوان “جمعية الكرامة” في دار الحكمة؛ لبحث أزمة الاعتداء على الأطباء وعدم تأمين المستشفيات، عقب اعتداء 9 من أمناء شرطة قسم المطرية على أطباء وممرضي مستشفى المطرية.