في خطوة جديدة من خطوات محافظة الإسكندرية ضمن خطة تجميل ميادين المحافظة التي اعتمدها المحافظ الجديد، أعلن اللواء أحمد أبو طالب، رئيس حي المنتزه أول، افتتاح نافورة ميدان سيدي بشر بشرق المدينة، وسط حالة من الضيق والاستياء بين عدد من أبناء المحافظة والترحيب من عدد آخر.
وتفاوت تفاعل المواطنين مع هذا الإجراء؛ بين معترض على إقدام الحكومة عليه وسط تدهور شبكة صرف المدينة وتهالك الطرق وغرق المحافظة بالقمامة، واصفين إياه بالتحرك غير المسؤول من حكومة تافهة لا تعي متطلبات الحياة ولا تهتم إلا بالمظاهر، فيما عبر آخرون عن ترحيبهم بالنافورة وسعادتهم من المظهر الجمالي الذي أضافته للميدان.
وفي حوار لشبكة “رصد” مع عدد من المواطنين، أعرب “سعيد إبراهيم” عن ضيقه من الإجراء قائلًا: “اللي معاه قرش محيره يجيب حمام ويطيره”، مضيفًا “احنا رجعنا لسياسة المناظر تاني تجميل للميادين ودهان للكورنيش أما المشاكل الحقيقي اللي بتدمر حياتنا وبتهدم في الدولة فالحكومة العاجزة التافهة مبتقدرش عليها ولا بتفكر فيها”.
وقال المواطن علي عبدالسلام: “دي سبوبة، الحكومة ومجلس الحي بيسرقوا من وراها حاجة عبيطة يصرفوا عليها آلاف بص حضرتك أكوام الزبالة اللي في كل حتة على بعد خطوات من النافورة كمان كان الأولى أنهم يشيلوها ويوفروا صناديق وآلية لمنع الأزمة دي بدل ما يصرفوا آلاف على هبل”.
وعبر حسن عبدالرحيم عن سعادته بالنافورة قائلًا: “والله الواحد وحشته المناظر الحلوة دي ونفسه يشوف البلد كلها كده خطوة كويسة وربنا يوفق الرئيس في الحرب على الإرهاب”، فيما عبرت سناء علي عن غضبها قائلة: “خلاص كل مشاكل البلد اتحلت والصرف اللي غرق إسكندرية اتصلح والزبالة اللي مالية الشوارع اتشالت والطرق المتكسرة اترصفت والقطارات البايظة اتصلحت والكباري المتهالكة اترممت والمدارس اتعدلت والمستشفيات بقى فيها رعاية علشان نصرف الفلوس على النافورة ولا هو كتر ميه.. حكومة تافهة ومش عارفة هي بتعمل إيه”.
