أصدر المهندس محمد عبدالظاهر، محافظ الإسكندرية قرارا بغلق المحال التجارية وقاعات الأفراح بـ”الداون تاون”، غير ناظر إلى آلاف العاملين بهذه المحال والقاعات.
ويبقى السؤال لماذا لم توفق الأوضاع قانونيا وتوقع غرامات على أصحاب العمل أو فرض أسعار جديدة لاستغلال المكان؟ مما اضطر العاملين للقيام بإضراب وقطع الطريق أسفل كوبري محرم بيك في مستهل طريق الإسكندرية القاهرة الصحراوي، نظراً لقطع أرزاقهم ووقف الأحوال الحياتية لهم.
وخلال جولة لـ”رصد” يقول، محسن.ع، أحد العمال بالمحلات: “همّ لسه فايقين دلوقتي من 12 سنة إن الإيجارات ضعيفة، طيب يعلوا الإيجار بدل قطع وقفل بيوت الناس، لأن الناس مابقتش مستحملة كفاية بقى” .
وأشار محمد حسن: “شوفوا الكورنيش وحضراتكم هتتٲكدوا إن كل ده كلام في الهوا، البلطجة ومراكز القوى في الإسكندرية أكبر من ٲي محافظ”.
بينما قالت فتحية السيد ربة منزل: “اللي عاملينه العمال دي اسمها بلطجة وليست خطوات لإجبار المحافظة لفتح المحلات مرة أخرى وإن المتضررين أعدادهم بسيطة نسبة إلى التاركين لأعمالهم إثر توقف السياحة”.
وأضافت “ارحمونا بقى من الطبطبة إحنا ناس غلابة، لو فيه غلط يبقى نعقد ونتحاسب بالقانون مش بقطع طريق وتعطيل مصالح الناس”.
وأضاف سعيد محمد: “والله إنتم ناس غلبانة ومش هيحصل حاجة ورجال الأعمال هتظبط الكلام”.
