يشكو أهالي الإسماعيلية من برك مياه الصرف الصحي المنتشرة في أغلب شوارع المدينة وباقي مراكز المحافظة.
في منطقة الشيخ زايد، خلف فرن المخبز الآلي، اشتكي سكان المنطقة من انفجار ماسورة الصرف لأكثر من 15 يومًا ولم يتم إصلاحها وتقدموا بالشكاوى دون جدوى، وكذلك سكان منطقة عبدون في نفيشة البحري.
يقول محمود سيد: “مياه الصرف الصحي ضاربة بقالها 10 أيام كل يوم المياه بتزيد وروحنا للصرف الصحي اللي في ميدان مصطفى كامل وكل يوم بنتصل ومحدش مهتم ومش عارفين ندخل بيوتنا ولا عارفين نمشي في الشارع”.
ويضيف الحاج فتحي عباس، تاجر “ده وقف حال واحنا مش عارفين نبيع ولا نشتري وياريت المحافظ يشوف لنا حل نهائي للمشكلة عشان بتوع الصرف بييجوا يعملوها وبعديها بشهر تطفح تاني وهي هي نفس البلاعة”.
