شنَّ رئيس نادي الزمالك المستشار مرتضى منصور هجوما حادا على الإعلامي عمرو أديب، بعد وصفه المصريين بـ”شوية كلاب مطلوقة في الإعلام”، على حد وصفه.
وأضاف “منصور” خلال مداخلة هاتفية في برنامج “انفراد” المذاع على فضائية العاصمة: “من يسب الشعب المصري هو اللي بيهوهو”، مشيرًا إلى أنه يجب على ملك السعودية اتخاذ قرار بغلق البرنامج، مضيفا: “إذا لم يغلق البرنامج سنطردك خارج القناة، ونقدر نعلقك على باب قناتك”.
وتابع: “شعب مصر محترم حتى من نختلف معهم لا يجب سبهم ووصفهم بـ”الكلب” على قناة سعودية”، موجهًا رسالة لـ”أديب”، قائلًا:” أنت محتاج حد يفوقك يا عمرو.. أقسم بالله لو كان شتمني أنا مكنتش خرجته من الأستوديو.. وما بالك بقى سبه لشعب مصر”، مطالبًا هيئة الاستثمار بوقف قناة “القاهرة اليوم”.
واختتم “مرتضى” تصريحاته قائلا: “عمرو أديب اللي بيقبض 12 مليون جنيه في السنة يهاجم ويهين شعب مصر ولميس تلبس ألماظ بملايين الجنيهات والمصريين مش لاقيين يأكلوا”، مشددا على وجود حملة ممنهجة لهدم الدولة المصرية.
وشن الإعلامي عمرو أديب هجومًا حادًا على بعض الشخصيات العامة التي كان ينتمي عدد منها لوزارة الداخلية، بعد أزمة أمناء الشرطة الأخيرة.
وقال “عمرو”، خلال برنامجه “القاهرة اليوم”، المذاع على فضائية “اليوم”: “في شوية كلاب سعرانة بتهوهو في مصر، بطريقة غير طبيعية علشان يرجعونا لورا.. كلاب جربانة وشرسة عاملين زي اللي عنده كلب ويخوف الناس ويرهبهم ويقعدوا يقولوا إيه في إيه مش هنسكتلك مش هنعملك”.
وأضاف: “رجع الكلب المسعور تاني.. كل ده بيسيء لكل البلد وبيوقعها.. إحنا رايحين بخطى ثابتة للهاوية.. لكن لازم حد يقول للكلب اللي بيهوهو ده اسكت.. أشرف داخلية وأشرف ظباط ويطلع شخصيات عامة كلاب جربانة وتبوظ الدنيا ويتبنوا مواقف للدولة”.
وتابع: “الكلاب دي بتقول إحنا نعمل فيك ونضربك ونقطعك من أنتم.. مش ده الحل أنك تبعت كلب يخوف الشعب، الحل أنك تقعد مع الجهاز ويعمل اجتماع مع المجلس الأعلى للشرطة.. لكن في شوية كلاب مطلوقة في الإعلام لا تعبر عن الداخلية ولا مصر ولا البلد.. بلطجة الشعب بيشوف كده يقولك آخد حقي بإيدي.. الكلب طول عمره تقوله بس يسكت، الكلب اللي بيهوهو عمره ما بيعض”.
