عبر سائقو القطارات عن استيائهم من تعامل الحكومة معهم عند وقوع الحوادث؛ حيث يتم تقديمهم “كبش فداء” وتحميلهم المسؤولية دون محاسبة المسؤولين الحقيقيين عن ذلك الإهمال المتعمد الذي يهدد سلامة مستقلي القطارات.
.jpg)
يقول “محمد.م”: “الجرارت معظمها متهالك وكل عطل يحصل بيجيبوا من الجرارات القديمة ويلحموا فيها وشغالين على كده من زمان، ومفيش تجديد وفيه قطارات شغاله لسه من الستينيات والسبعينيات، ولأنها قديمة بتكلف الدولة كتير في الصيانة”.
ويضيف “ممدوح.ر”: “المنظومة كلها فاسدة واحنا اللي بنشيل الطين في الآخر، وكمان عندنا عجز نحو 2000 مساعد للسائقين في الهيئة وفيه ورادي السائق بيشتغل من غير مساعدين المفروض يحولوا الزيادات اللي في الجهات التانية لنا لأن الإهمال بقى موجود في كل حاجة”.
ويعلق “أحمد.س”: “مشكلات السواقين كتير ممكن تلاقي أطفال بيحدفوا الحجارة علينا والقطر ماشي ودا تسبب في وفاة ناس قبل كده وتكسير النوافذ، دا كله غير إن فيه ناس بتفتح الباب بتاع الكابينة وتدخل تركب فيها علشان القطر بيكون جاب آخره من الزحمة ومبنقدرش نقولهم حاجة”.
ويتابع: “احنا بناخد مرتب عادي زي أي موظف في الدولة لكن بيزيد عندنا حافز الكيلو متر يعني كل كيلو باخد عليه حوالي 15 قرش، لكن المسؤولية صعبة وعايزة اللي قلبه جامد لأننا بنضطر ساعات نسوق في الشبورة وبنشتغل بالحاسة اللي عندنا مش أي حد يشتغل سواق قطر في مصر وفي الآخر عايزين يشيلوا مننا حوافز وبدلات”.
