شبكة رصد الإخبارية
follow us in feedly

شقيقة ميرهان حسين تنشر صورًا تظهر الاعتداء عليها

شقيقة ميرهان حسين تنشر صورًا تظهر الاعتداء عليها
قصَّت شقيقة الفنانة ميرهان حسين، ما حدث مع شقيقتها، وقالت إنها تعرضت للإهانة والظلم والاعتداء من أحد الضباط، كما تم الاعتداء عليها في قسم الشرطة، وتم تلفيق محضر سكر لها، على الرغم من أنها لا تتناول الكحوليات، ونشرت صورًا توضح

قصَّت شقيقة الفنانة ميرهان حسين، ما حدث مع شقيقتها؛ حيث قالت إنها تعرضت للإهانة والظلم والاعتداء من أحد الضباط، كما تم الاعتداء عليها في قسم الشرطة، وتم تلفيق محضر سكر لها، على الرغم من أنها لا تتناول الكحوليات، ونشرت صورًا توضح آثار الاعتداء عليها.

وقالت نادين بسيوني، شقيقة “ميرهان” -في منشور لها على “فيس بوك”-: “أختي اتهانت ظلم يا بلد الأمن والأمان، البلد اللي له حق فيها مبيجيش، أختي راجعة من التصوير الفجر (طبيعة شغلها كده)، وقفها كمين والظابط عادي طلب رخص وقالها اقفي في جمب فطلعتله الرخص ووقعت من إيده بعد ما أخدها ونزل يجيبها في نفس اللحظة وهي بتتحرك خبطته بالمراية في إيده، ازاي دا يحصل! قام مدخل إيده يشد المفتاح وخبطها في صدرها وقالها انزلي، طبعًا ارتبكت ورفضت تنزل فضربها بالقلم ورد فعل طبيعي منها شتمته”.

وأضافت “ولما لقاها بتشتمه كده جاب واحد يصور من أول ما شتمت، طب هو في حد هيشتم كده من غير فعل يدفع لده؟ فيلبسوها محضر سكر مع العلم إن ميرهان مبتشربش، وفي دكتور كشف عليها وقال إن هي في قمة اتزانها، لكن طبعًا لازم الكلام يتحرف ويتغير عشان موقف الظباط يبقى سليم”.

وتابعت: “بس اللي معملوش حسابه إن ربنا مبيظلمش وإن في فيديو وهي منهارة وبتقول (رجالة مصريين بيضربوا بنت مصرية) وطبعًا ده سبب انهم ياخدوها القسم وهناك اتعرضت لأقذر المعاملة واتضربت واتهانت ورشوهم ببول وميه هي والمساعدة بتاعتها وكل آثار الضرب واضحة.. ومش أول مرة نسمع عن الظباط اللي كده وحاجات من النوع ده، بس فعلًا اللي بنشوفه في الأفلام قليل على اللي اتعمل فيها“.

وأفاد مصدر أمني بالجيزة، أن الفنانة ميرهان حسين، تم القبض عليها، فجر الثلاثاء؛ بعد الاشتباه في سيارتها، والتي عثر بها على زجاجتي خمر في المقاعد الخلفية للسيارة.

وأكد المصدر، في تصريحات صحفية، أن الفنانة تم توقيفها خلال كمين أمني بمنطقة الهرم؛ بعد الاشتباه في أنها تقود سيارتها الشخصية في حالة سكر، وتم تحرير محضر لها بالواقعة وإحالتها للنيابة التي باشرت التحقيقات.



X

تنفيذ و استضافة وتطوير ميكس ميديا لحلول الويب تنفيذ شركة ميكس ميديا للخدمات الإعلامية 2020